ಜೂನ್ 30ಕ್ಕೆ ಅಂತ್ಯಗೊಂಡ ಮೊದಲ ತ್ರೈಮಾಸಿಕ ಅವಧಿಯಲ್ಲಿ 1,015.50 ಕೋಟಿ ರೂಪಾಯಿಗಳ ನಿವ್ವಳ ಲಾಭ ಗಳಿಸಿರುವ ಸಾಫ್ಟ್ವೇರ್ ದಿಗ್ಗಜ ವಿಪ್ರೋ ಶೇಕಡಾ 11.86ರ ಪ್ರಗತಿ ದಾಖಲಿಸಿರುವುದಾಗಿ ತಿಳಿಸಿದೆ.
ಈ ಹಿಂದಿನ ಆರ್ಥಿಕ ವರ್ಷದ ಜೂನ್ಗೆ ಅಂತ್ಯಗೊಂಡ ಅವಧಿಯಲ್ಲಿ ವಿಪ್ರೋ 907.80 ಕೋಟಿ ರೂ.ಗಳ ನಿವ್ವಳ ಲಾಭ ದಾಖಲಿಸಿತ್ತು ಎಂದು ಬಾಂಬೆ ಶೇರು ಮಾರುಕಟ್ಟೆಗೆ ಸಲ್ಲಿಸಿದ ವರದಿಯಲ್ಲಿ ನಮೂದಿಸಿದೆ.
ಜೂನ್ಗೆ ಕೊನೆಗೊಂಡ ಅವಧಿಯಲ್ಲಿ ಆದಾಯದ ಮಟ್ಟವು ಶೇಕಡಾ 4.80 ಏರಿಕೆಯಾಗಿದ್ದು, 6,289.10 ಕೋಟಿ ರೂ.ಗಳನ್ನು ತಲುಪಿದೆ. ಇದೇ ಅವಧಿಯ ಕಳೆದ ವರ್ಷದ ಆದಾಯವು 6,001.30 ಕೋಟಿ. ರೂಗಳಾಗಿತ್ತು.
ಅಲ್ಲದೆ ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಮಾಹಿತಿ ತಂತ್ರಜ್ಞಾನ ಸಂಸ್ಥೆಯು 26 ಹೊಸ ಗ್ರಾಹಕರನ್ನು ತನ್ನ ಪಟ್ಟಿಗೆ ಸೇರಿಸಿಕೊಂಡಿರುವುದಾಗಿ ವಿಪ್ರೋ ಹೇಳಿಕೊಂಡಿದೆ.
ಐಟಿ ಸರ್ವಿಸ್ನ ವರ್ಷದಿಂದ ವರ್ಷವನ್ನಾಧರಿಸಿದ ಲಾಭದಲ್ಲಿ ಕಂಪನಿಯು ಜೂನ್ಗೆ ಅಂತ್ಯಗೊಂಡ ತ್ರೈಮಾಸಿಕ ಅವಧಿಯಲ್ಲಿ ಶೇಕಡಾ 3.3ರ ಕುಸಿತವನ್ನು ಕಂಡಿದ್ದು, 1,033 ಮಿಲಿಯನ್ ಡಾಲರ್ (ಸುಮಾರು 4,998 ಕೋಟಿ)ಗಳನ್ನು ತಲುಪಿದೆ.
ಈ ಬಗ್ಗೆ ಆಶಾಭಾವ ಹೊಂದಿರುವ ಸಂಸ್ಥೆಯು ಸೆಪ್ಟೆಂಬರ್ 30ಕ್ಕೆ ಕೊನೆಗೊಳ್ಳುವ ತ್ರೈಮಾಸಿಕ ಅವಧಿಯಲ್ಲಿ ಐಟಿ ಸರ್ವಿಸಸ್ನಿಂದ 1,035 ಮಿಲಿಯನ್ ಡಾಲರ್ಗಳಿಂದ 1,053 ಮಿಲಿಯನ್ ಡಾಲರುಗಳಷ್ಟು ಆದಾಯ ಹೊಂದುವ ನಿರೀಕ್ಷೆಗಳನ್ನಿಟ್ಟುಕೊಂಡಿದೆ.
|