ಭಾರತದ ವಿಮಾನಯಾನ ಕ್ಷೇತ್ರದಲ್ಲಿ ಏರಡನೇ ಸ್ಥಾನದಲ್ಲಿರುವ ಕಿಂಗ್ಫಿಶರ್ ಏರ್ಲೈನ್ಸ್ ಸಂಸ್ಥೆ ಬೇಸಿಗೆಯ ಸಮಯದಲ್ಲಿ ಏಳು ನೂತನ ವಿಮಾನ ಸಂಚಾರಗಳನ್ನು ಆರಂಭಿಸಲಾಗುವುದು ಎಂದು ಮೂಲಗಳು ತಿಳಿಸಿವೆ.
ಮಾರ್ಚ್ 28ರಿಂದ ನವದೆಹಲಿಯಿಂದ ಲಂಡನ್ಗೆ ತಡೆರಹಿತ ವಿಮಾನ ಸಂಚಾರ ಸೌಲಭ್ಯ ಸೇರಿದಂತೆ ಏಪ್ರಿಲ್ 7 ರಿಂದ ನವದೆಹಲಿ-ಹಾಂಕಾಂಗ್ ಮಾರ್ಗವಾಗಿ ಸಂಚರಿಸಲಿವೆ ಎಂದು ಕಂಪೆನಿಯ ವಕ್ತಾರರು ತಿಳಿಸಿದ್ದಾರೆ.
ನವದೆಹಲಿ-ಬ್ಯಾಂಕಾಕ್, ನವದೆಹಲಿ-ದುಬೈ, ಮುಂಬೈ-ಕೊಲಂಬೊ, ಮುಂಬೈ-ಬ್ಯಾಂಕಾಕ್, ಮತ್ತು ಮುಂಬೈ-ದುಬೈ ಸಂಚಾರವನ್ನು ಆರಂಭಿಸಲಾಗುತ್ತಿದೆ ಎಂದು ವಿವರಣೆ ನೀಡಿದ್ದಾರೆ.
ನೂತನ ಸಂಚಾರ ಹಾರಾಟದ ಬಗ್ಗೆ ದಿನಾಂಕ ನಿಗದಿಪಡಿಸಿಲ್ಲವಾದರೂ ಬೇಸಿಗೆ ಸಮಯದಲ್ಲಿ ಆರಂಭಿಸಲಾಗುವುದು ಕಿಂಗ್ಫಿಶರ್ ವಕ್ತಾರರು ತಿಳಿಸಿದ್ದಾರೆ.