ಡಾಲರ್ ಎದುರು ಭಾರತೀಯ ರೂಪಾಯಿ ಮೌಲ್ಯ 16 ಪೈಸೆಗಳಷ್ಟು ಕುಸಿದಿದ್ದು ಪ್ರತಿ ಡಾಲರ್ಗೆ 44.52 ರೂಪಾಯಿಗಳು ದಾಖಲಾಗಿದೆ. ವಿದೇಶೀ ಬಂಡವಾಳಗಳ ಹೊರಹರಿವು ಈ ದುರ್ಬಲ ಸ್ಥಿತಿಗೆ ಕಾರಣವಾಗಿದೆ.
ಈ ಮೊದಲು ಡಾಲರ್ ಎದುರು 44.36 ರೂಪಾಯಿಗಳನ್ನು ದಾಖಲಿಸಿದ್ದ ಭಾರತೀಯ ರೂಪಾಯಿ 15 ಪೈಸೆಗಳಷ್ಟು ಸದೃಢಗೊಂಡು ಎರಡು ವಾರಗಳಲ್ಲೇ ಉತ್ತಮ ಸ್ಥಿತಿ ಕಂಡಿತ್ತು.
ಫಾರೆಕ್ಸ್ ಮೂಲಗಳ ಪ್ರಕಾರ ಬಂಡವಾಳಗಳ ಹೊರಹರಿವು ಹಾಗೂ ಏಷ್ಯನ್ ಕರೆನ್ಸಿಗಳ ಎದುರು ಡಾಲರ್ ಮೌಲ್ಯವರ್ಧನೆ ರೂಪಾಯಿಯ ಕುಸಿತಕ್ಕೆ ಕಾರಣವಾಗಿದೆ.
ಮುಂಬೈ ಷೇರು ಮಾರುಕಟ್ಟೆ ಸೂಚ್ಯಂಕವೂ ಈ ದಿನದ ವಹಿವಾಟಿನ ಆರಂಭಿಕ ವಹಿವಾಟಿನಲ್ಲಿ 140 ಪಾಯಿಂಟ್ಗಳಷ್ಟು ಕುಸಿದಿತ್ತು.