ಪ್ರತಿಷ್ಠಿತ ಆಪಲ್ ಸಂಸ್ಥೆಯ ವಿರುದ್ಧ ಪ್ರತಿಸ್ಪರ್ಧಿ ನೋಕಿಯಾ ಸಂಸ್ಥೆ ಇದೀಗ ಮತ್ತೊಂದು ದೂರನ್ನು ದಾಖಲಿಸಿದೆ.
ಯುಎಸ್ನ ಜಿಲ್ಲಾ ನ್ಯಾಯಾಲಯದಲ್ಲಿ ದೂರು ಸಲ್ಲಿಸಿರುವ ನೋಕಿಯಾ ಸಂಸ್ಥೆ, ಆಪಲ್ ಸಂಸ್ಥೆ ತನ್ನ ಸಂಸ್ಥೆಯ ಪೇಟೆಂಟ್ ನಿಯಮಗಳನ್ನು ಗಾಳಿಗೆ ದೂರಿದ್ದು, ಉಲ್ಲಂಘಿಸಿದೆ ಎಂದು ಆರೋಪಿಸಿದೆ. ಈ ಹಿಂದೆಯೇ ಆಪಲ್ ಸಂಸ್ಥೆ ತನ್ನ ವಿರುದ್ಧ ನೋಕಿಯಾ ದಾಖಲಿಸಿದ ದೂರಿಗೆ ಉತ್ತರಿಸಿದ್ದರೂ, ಮತ್ತೆ ನೋಕಿಯಾ ಸಂಸ್ಥೆ ತನ್ನ ದೂರನ್ನು ದಾಖಲಿಸಿದೆ. ಈ ದೂರು ಆಪಲ್ನ ಭಾರೀ ಚರ್ಚಿತ ಐ ಪ್ಯಾಡ್ಗೂ ಸಂಬಂಧಿಸಿದ್ದಾಗಿದೆ.
ಇದೇ ವೇಳೆ ಆಪಲ್ ಸಂಸ್ಥೆಯೂ ತೈವಾನ್ನ ಎಚ್ಟಿಸಿ ಕೋರ್ಪೋರೇಷನ್ ಸಂಸ್ಥೆಯ ವಿರುದ್ಧ ದೂರು ಸಲ್ಲಿಸಿದ್ದು ಇದು ತನ್ನ ಪೇಟೆಂಟ್ ನಿಯಮಗಳನ್ನು ಉಲ್ಲಂಘಿಸಿದೆ ಎಂದಿದೆ.
ಈ ನ್ಯಾಯಾಂಗ ಹೋರಾಟ ಇದೀಗ ಈ ಕಂಪನಿಗಳ ನಡುವೆ ಹೆಚ್ಚು ಸ್ಪರ್ಧೆ ಉಂಟು ಮಾಡಿದ್ದು, ಇದು ಉದ್ಯಮದಲ್ಲಿ ಸಾಕಷ್ಟು ಚರ್ಚೆಗೆ ಈಡು ಮಾಡಿದೆ.