ಅನಿಲ್ ಅಂಬಾನಿ ಸಂಚಾಲಿತ ಟೆಲಿಕಾಂ ಸಂಸ್ಥೆ ರಿಲಯನ್ಸ್ ಕಮ್ಯೂನಿಕೇಶನ್ಸ್, ಮಾರ್ಚ್ ತಿಂಗಳಿಗೆ ನಾಲ್ಕನೇ ತ್ರೈಮಾಸಿಕ ಅಂತ್ಯಗೊಂಡಂತೆ, ನಿವ್ವಳ ಲಾಭದಲ್ಲಿ ಶೇ.10ರಷ್ಟು ಹೆಚ್ಚಳವಾಗಿ 1,220 ಕೋಟಿ ರೂಪಾಯಿಗಳಿಗೆ ತಲುಪಿದೆ.
ನಾಲ್ಕನೇ ತ್ರೈಮಾಸಿಕ ಫಲಿತಾಂಶ ಹೊರಬಂದ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಅನಿಲ್ ಅಂಬಾನಿ, 2010ರ ಆರ್ಥಿಕ ವರ್ಷ ತುಂಬಾ ಸವಾಲುಗಳಿಂದ ಕೂಡಿದೆ ಎಂದು ಹೇಳಿದ್ದಾರೆ.
ರಿಲಯನ್ಸ್ ಕಮ್ಯೂನಿಕೇಶನ್ ಟೆಲಿಕಾಂ ಕಂಪೆನಿ,ಜಿಎಸ್ಎಂ ಮತ್ತು ಸಿಡಿಎಂಎ ಸೇವೆಗಳಿಂದಾಗಿ ಗ್ರಾಹಕರನ್ನು ಸೆಳೆದಿದೆ. ಭಾರಿ ಸ್ಪರ್ಧಾತ್ಮಕತೆಯಲ್ಲಿ ಕೂಡಾ ಮುಂಬರುವ ದಿನಗಳಲ್ಲಿ ಕಂಪೆನಿ ಉತ್ತಮ ಸಾಧನೆ ಮಾಡುವ ನಿರೀಕ್ಷೆಯಿದೆ ಎಂದು ಅಂಬಾನಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಕಂಪೆನಿ, ನಾಲ್ಕನೇ ತ್ರೈಮಾಸಿಕ ಅವಧಿಯ ನಿವ್ವಳ ಲಾಭದಲ್ಲಿ ಶೇ.10.1ರಷ್ಟು ಏರಿಕೆಯಾಗಿ 1,220 ಕೋಟಿ ರೂಪಾಯಿ ಲಾಭಗಳಿಸಿದೆ. ಆದರೆ ವಾರ್ಷಿಕ ನಿವ್ವಳ ಲಾಭ 4,655 ಕೋಟಿ ರೂಪಾಯಿಗಳಿಗೆ ಕುಸಿತ ಕಂಡಿದೆ. 2008ರ ಮಾರ್ಚ್ ತಿಂಗಳ ಅವಧಿಯಲ್ಲಿ ನಿವ್ವಳ ಲಾಭ 6,045 ಕೋಟಿ ರೂಪಾಯಿಗಳಾಗಿತ್ತು.