ಮುಖ್ಯ ಪುಟ » ಸುದ್ದಿ ಜಗತ್ತು » ವ್ಯವಹಾರ » ವಾಣಿಜ್ಯ ಸುದ್ದಿ » ಹಣದುಬ್ಬರ ವರ್ಷಾಂತ್ಯಕ್ಕೆ ಇಳಿಕೆ, ಜಿಡಿಪಿ ಚೇತರಿಕೆ:ಪ್ರಧಾನಿ (PM | GDP | Inflation | Manmohan Singh | UPA)
Feedback
Printಹಣದುಬ್ಬರ ವರ್ಷಾಂತ್ಯಕ್ಕೆ ಇಳಿಕೆ, ಜಿಡಿಪಿ ಚೇತರಿಕೆ:ಪ್ರಧಾನಿ 
ನವದೆಹಲಿ, ಸೋಮವಾರ, 24 ಮೇ 2010( 12:40 IST )
PTI
ಉದ್ಯೋಗ ಅವಕಾಶಗಳನ್ನು ಹೆಚ್ಚಿಸಲು ಹಾಗೂ ಸಮಾಜಿಕ ಹಾಗೂ ಆರ್ಥಿಕ ಅಭಿವೃದ್ಧಿಗಾಗಿ ದೇಶದ ಆರ್ಥಿಕತೆ ವೇಗವಾಗಿ ಚೇತರಿಕೆ ಕಾಣುವ ಅವಶ್ಯಕತೆಯಿದೆ ಎಂದು ಯುಪಿಎ ಸರಕಾರ ಒಂದು ವರ್ಷ ಅವಧಿ ಪೂರ್ಣಗೊಳಿಸಿದ ಹಿನ್ನೆಲೆಯಲ್ಲಿ ಪ್ರಧಾನಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡುತ್ತಿದ್ದರು.
ಕೇಂದ್ರದ ಯುಪಿಎ ಸರಕಾರ ಆರ್ಥಿಕ ವೃದ್ಧಿ ದರ ಶೇ.10ಕ್ಕೆ ತಲುಪಿಸುವ ಗುರಿಯನ್ನು ಹೊಂದಿದೆ. ಉಳಿತಾಯ ಮತ್ತು ಹೂಡಿಕೆಯನ್ನು ಹೆಚ್ಚಿಸುವ ಮೂಲಕ ಗುರಿಯನ್ನು ತಲುಪಬಹುದಾಗಿದೆ. ದೇಶದ ಉಳಿತಾಯ ಮತ್ತು ಹೂಡಿಕೆಯ ದರ ಶೇ.35ರಷ್ಟಾಗಿದ್ದು, ಚೀನಾದ ನಂತರದ ಸ್ಥಾನಪಡೆದಿದೆ ಎಂದು ತಿಳಿಸಿದ್ದಾರೆ.
ಏತನ್ಮಧ್ಯೆ, ಅಭಿವೃದ್ಧಿ ದರವನ್ನು ಹೆಚ್ಚಿಸಲು ಸಮಾಜಿಕ ಮತ್ತು ಆರ್ಥಿಕ ಮೂಲಸೌಕರ್ಯ ಕ್ಷೇತ್ರಗಳಲ್ಲಿ ಹೂಡಿಕೆ ಹಾಗೂ ಕೃಷಿ ಉತ್ಪಾದನೆಯಲ್ಲಿ ಹೆಚ್ಚಳ, ಮತ್ತು ಉತ್ಪಾದನಾ ಕ್ಷೇತ್ರದಲ್ಲಿ ಹೆಚ್ಚಿಸಲು ಪ್ರಯತ್ನಿಸಬೇಕಾಗಿದೆ ಎಂದು ಪ್ರಧಾನಿ ಕರೆ ನೀಡಿದ್ದಾರೆ.
ಜಾಗತಿಕ ಆರ್ಥಿಕ ಬಿಕ್ಕಟ್ಟು ಎದುರಾಗುವ ಹಿಂದಿನ ನಾಲ್ಕು ವರ್ಷಗಳಲ್ಲಿ, ದೇಶದ ಆರ್ಥಿಕ ವೃದ್ಧಿ ದರ ಶೇ.9ಕ್ಕೆ ತಲುಪಿತ್ತು. ನಂತರ 2008 -09ರ ಅವಧಿಯಲ್ಲಿ ಜಿಡಿಪಿ ದರ ಶೇ.6.5ಕ್ಕೆ ಇಳಿಕೆ ಕಂಡಿತ್ತು. ಆದರೆ 2009-10ರ ಅವಧಿಯಲ್ಲಿ ಶೇ.7.2ಕ್ಕೆ ಚೇತರಿಕೆ ಕಂಡಿತು.ಪ್ರಸಕ್ತ ಆರ್ಥಿಕ ವರ್ಷಾಂತ್ಯಕ್ಕೆ ಜಿಡಿಪಿ ದರ ಶೇ.8.5ಕ್ಕೆ ತಲುಪುವ ಸಾಧ್ಯತೆಗಳಿವೆ ಎಂದು ತಿಳಿಸಿದ್ದಾರೆ.