ಚಿನ್ನದ ಬೆಲೆ ಮತ್ತೆ ಗಗನಕ್ಕೇರುತ್ತಲೇ ಇದ್ದು, ಇದೀಗ ಹೊಸ ದಾಖಲೆಯನ್ನೇ ಸೃಷ್ಟಿಸಿದೆ. ಪ್ರತಿ ಹತ್ತು ಗ್ರಾಂಗೆ 18,659 ರೂಪಾಯಿ ಇದೀಗ ದಾಖಲಾಗಿದ್ದು, ಇದು ಮೇ 26ರಂದು ಚಿನ್ನ ಮಾಡಿದ್ದ ದಾಖಲೆ ಬೆಲೆಯನ್ನು ಮುರಿದೂ ಮತ್ತೂ ಮೇಲೇರಿದೆ.
ಸಾಗರೋತ್ತರ ಮಾರುಕಟ್ಟೆಯಲ್ಲೂ ಚಿನ್ನದ ಬೆಲೆಯಲ್ಲಿ ದಿನೇ ದಿನೇ ಏರಿಕೆಯಾಗುತ್ತಿದೆ. ಈ ಹಿಂದಿನ ದಿನವಷ್ಟೇ ಚಿನ್ನದ ಬೆಲೆಯಲ್ಲಿ ಕೊಂಚ ಇಳಿಕೆಯಾಗಿತ್ತು. ಆದರೆ ಇಂದು ಮಧ್ಯಾಹ್ನದ ವೇಳೆ ಹೊಸ ದಾಖಲೆ ಬರೆದಿದ್ದು, ಈ ಹಿಂದಿನ ಎಲ್ಲ ದಾಖಲೆಗಳನ್ನೂ ಅಳಿಸಿ ಹಾಕಿ ಮುನ್ನುಗ್ಗಿದೆ.