ಮುಖ್ಯ ಪುಟ » ಸುದ್ದಿ ಜಗತ್ತು » ವ್ಯವಹಾರ » ವಾಣಿಜ್ಯ ಸುದ್ದಿ » ಐಟಿ ದಾಳಿ: ನಾಸಿಕ್‌ನಲ್ಲಿ ಈರುಳ್ಳಿ ವರ್ತಕರ ಮುಷ್ಕರ (Onion Tradres | Nashik | APMC | Protest | IT Raid)
Feedback
Printಐಟಿ ದಾಳಿ: ನಾಸಿಕ್‌ನಲ್ಲಿ ಈರುಳ್ಳಿ ವರ್ತಕರ ಮುಷ್ಕರ 
ನವದೆಹಲಿ, ಸೋಮವಾರ, 10 ಜನವರಿ 2011( 12:22 IST )
PTI
ಈರುಳ್ಳಿಯನ್ನು ಕಿಲೋ ಒಂದಕ್ಕೆ 40 ರೂಪಾಯಿಗಿಂತ ಹೆಚ್ಚು ಬೆಲೆಗೆ ಮಾರಾಟ ಮಾಡಬಾರದು ಎಂದು ಮಹಾರಾಷ್ಟ್ರ ಸರಕಾರ ನಿರ್ದೇಶನ ನೀಡಿತ್ತು. ಇದನ್ನು ಈರುಳ್ಳಿ ವ್ಯಾಪಾರಿಗಳು ವಿರೋಧಿಸಿ ಪ್ರತಿಭಟನೆ ನಡೆಸುತ್ತಿದ್ದಾರೆ. ನಾಸಿಕ್ ಜಿಲ್ಲಾ ಈರುಳ್ಳಿ ವ್ಯಾಪಾರಿಗಳ ಒಕ್ಕೂಟದ ಸಭೆಯಲ್ಲಿ ಈ ಕುರಿತು ನಿರ್ಣಯ ಕೈಗೊಳ್ಳಲಾಗಿದೆ.
ಇದೇ ವೇಳೆ, ಈರುಳ್ಳಿ ಬೆಳೆಗಾರರು ಮಂಡಿ ವ್ಯಾಪಾರಿಗಳ ನಿರ್ಧಾರದಿಂದ ಆಕ್ರೋಶಗೊಂಡಿದ್ದಾರೆ. ಈ ಬಿಕ್ಕಟ್ಟು ಪರಿಹರಿಸಲು ಮಹಾರಾಷ್ಟ್ರ ಸರಕಾರವು ತುರ್ತು ಸಭೆಯೊಂದನ್ನು ಕರೆದಿದೆ.
ಕಳೆದ ವಾರ, ದೇಶಾದ್ಯಂತ ಈರುಳ್ಳಿ ಸಗಟು ವ್ಯಾಪಾರಸ್ಥರ ಮಳಿಗೆಗಳಿಗೆ ಆದಾಯ ತೆರಿಗೆ ಇಲಾಖೆ ದಾಳಿ ನಡೆಸಿ, ಅಕ್ರಮವಾಗಿ ದಾಸ್ತಾನಿರಿಸಲಾದ ಈರುಳ್ಳಿಯನ್ನು ಪತ್ತೆ ಹಚ್ಚಿತ್ತು. ಸಗಟು ವ್ಯಾಪಾರಿಗಳು ಮತ್ತು ಸಂಘಟಿತ ಮಂಡಿಗಳೇ ದೇಶದ ಈರುಳ್ಳಿ ಬೆಲೆಯನ್ನು ನಿಯಂತ್ರಿಸುತ್ತಿವೆ ಎಂಬ ಆರೋಪಗಳು ಬಂದಿರುವ ಹಿನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿತ್ತು.