ಮುಂಬೈ ಷೇರು ಮಾರುಕಟ್ಟೆ ಸೂಚ್ಯಂಕ ದಿನದಾರಂಭದ ವಹಿವಾಟಿನಲ್ಲಿ 40 ಪಾಯಿಂಟ್ ಏರಿಕೆ ಕಂಡಿದೆ.
ಬಿಎಸ್ಇ 30 ಷೇರು ಸೂಚ್ಯಂಕ 40.40 ಪಾಯಿಂಟ್ ಅಂದರೆ ಶೇ.0.22ರಷ್ಟು ಏರಿಕೆ ಕಂಡು 17,978.56ಕ್ಕೆ ತಲುಪಿದೆ. ಇದಕ್ಕೂ ಮೊದಲ ವಹಿವಾಟಿನಲ್ಲಿ 47.74 ಪಾಯಿಂಟ್ ಇಳಿಕೆ ಕಂಡಿತ್ತು.
ರಾಷ್ಟ್ರೀಯ ಷೇರು ಮಾರುಕಟ್ಟೆ ಸೂಚ್ಯಂಕ ನಿಫ್ಟಿ 13.05 ಪಾಯಿಂಟ್ ಅಥವಾ ಶೇ.0.24ರಷ್ಟು ಏರಿಕೆ ಕಂಡು 5,399.20ಕ್ಕೆ ತಲುಪಿದೆ.
ಎಲ್ಎಂಡ್ಟಿ ಶೇ.0.36ರಷ್ಟು ಏರಿಕೆ ಕಂಡರೆ, ರಿಲಯನ್ಸ್ ಇಂಡಸ್ಟ್ರೀಸ್ ಶೇ.0.27, ಇನ್ಫೋಸಿಸ್ ಟೆಕ್ನಾಲಜೀಸ್ ಶೇ.0.71, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಶೇ.0.15, ಐಸಿಐಸಿಐ ಬ್ಯಾಂಕ್ ಶೇ.1.03, ಟಾಟಾ ಸ್ಟೀಲ್ ಶೇ.0.63ರಷ್ಟು ಏರಿಕೆ ಕಂಡಿವೆ.