ಮುಂಬೈ ಷೇರು ಮಾರುಕಟ್ಟೆ ಸೂಚ್ಯಂಕ ದಿನದಾರಂಭದ ವಹಿವಾಟಿನಲ್ಲಿ 59 ಪಾಯಿಂಟ್ ಏರಿಕೆ ಕಂಡಿದೆ.
ಬಿಎಸ್ಇ 30 ಷೇರು ಸೂಚ್ಯಂಕ ದಿನದಾರಂಭದಲ್ಲೇ 59.53 ಪಾಯಿಂಟ್ ಅಂದರೆ ಶೇ.0.32ರಷ್ಟು ಏರಿಕೆ ಕಂಡು 18,137.14ಕ್ಕೆ ತಲುಪಿದೆ.
ರಿಲಯನ್ಸ್ ಇಂಡಸ್ಟ್ರೀಸ್ ಷೇರು ಉತ್ತಮವಾಗಿ ಏರಿಕೆ ಕಂಡು ಷೇರು ಸೂಚ್ಯಂಕವನ್ನು ಏರಿಕೆಯೆಡೆಗೆ ಪ್ರೇರೇಪಿಸಿದೆ.
ರಾಷ್ಟ್ರೀಯ ಷೇರು ಮಾರುಕಟ್ಟೆ ಸೂಚ್ಯಂಕ ನಿಫ್ಟಿ 17.25 ಪಾಯಿಂಟ್ ಅಂದರೆ ಶೇ.0.31ರಷ್ಟು ಏರಿಕೆಯಾಗಿ 5,447.85ಕ್ಕೆ ತಲುಪಿದೆ.
ಇದೇ ವೇಳೆ ಹಾಂಗ್ಕಾಂಗ್ನ ಹ್ಯಾಂಗ್ಸೆಂಗ್ ಷೇರು ಮಾರುಕಟ್ಟೆ ಶೇ.0.71ರಷ್ಟು ಚೇತರಿಸಿದೆ. ಜಪಾನಿನ ನಿಕ್ಕಿ ಶೇ.1.88ರಷ್ಟು ಉತ್ತಮ ಪ್ರಗತಿ ದಾಖಲಿಸಿದೆ. ಯುಎಸ್ನ ಡೋ ಜೋನ್ಸ್ ಇಂಡಸ್ಟ್ರಿಯಲ್ ಅವರೇಜ್ ಶೇ.0.12ರಷ್ಟು ಏರಿಕೆ ಕಂಡಿದೆ.