ಮುಂಬೈ ಷೇರು ಮಾರುಕಟ್ಟೆ ಸೂಚ್ಯಂಕ ದಿನದಾರಂಭದ ವಹಿವಾಟಿನಲ್ಲಿ 57 ಪಾಯಿಂಟ್ ಏರಿಕೆ ಕಂಡಿದೆ. ಐಟಿ ಷೇರುಗಳು ಕಂಡ ಭರ್ಜರಿ ಖರೀದಿಯಿಂದಾಗಿ ಷೇರುಪೇಟೆಗೆ ಚುರುಕು ಮೂಡಿದೆ.
ಬಿಎಸ್ಇ 30 ಷೇರು ಮಾರುಕಟ್ಟೆ ಸೂಚ್ಯಂಕ 57.28 ಪಾಯಿಂಟ್ ಅಂದರೆ ಶೇ.30ರಷ್ಟು ಏರಿಕೆಯಾಗಿ 18,172.11ಕ್ಕೆ ತಲುಪಿದೆ.
ರಾಷ್ಟ್ರೀಯ ಷೇರು ಮಾರುಕಟ್ಟೆ ಸೂಚ್ಯಂಕ ನಿಫ್ಟಿ 13.70 ಪಾಯಿಂಟ್ ಅಂದರೆ ಶೇ.0.23ರಷ್ಟು ಏರಿಕೆ ದಾಖಲಿಸಿದೆ.
ಐಟಿ ಷೇರುಗಳು ಭರ್ಜರಿ ಏರಿಕೆಯಾಗಿವೆ. ಐಟಿ ದೈತ್ಯ ಇನ್ಫೋಸಿಸ್ ಟೆಕ್ನಾಲಜೀಸ್ ಶೇ.2.55ರಷ್ಟು ಏರಿಕೆಯಾಗಿದ್ದು, ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ ಶೇ.2.57, ವಿಪ್ರೋ ಶೇ.1.88ರಷ್ಟು ಚೇತರಿಕೆ ಕಂಡು ಷೇರುಪೇಟೆಗೆ ಚುರುಕು ನೀಡಿದೆ. ಏರಿಕೆ ಕಂಡ ಇತರ ಷೇರುಗಳ ಪೈಕಿ ಟಾಟಾ ಮೋಟಾರ್ಸ್ ಶೇ.0.25, ಐಸಿಐಸಿಐ ಬ್ಯಾಂಕ್ ಶೇ.0.61, ಹಿಂಡಲ್ಕೋ ಇಂಡಸ್ಟ್ರೀಸ್ ಶೇ.0.06, ಬಿಎಚ್ಇಎಲ್ ಶೇ.1.07ರಷ್ಟು ಏರಿಕೆ ಕಂಡಿದೆ.
ಆದರೆ ರಿಲಯನ್ಸ್ ಇಂಡಸ್ಟ್ರೀಸ್ ಶೇ.0.42ರಷ್ಟು ಇಳಿಕೆ ಕಂಡಿದೆ.