ಮತಸಮರ
| ಲೋಕಸಭೆಯ 107 ಸ್ಥಾನಗಳಿಗೆ ಪ್ರಚಾರ ಅಂತ್ಯ  ನವದೆಹಲಿ, ಮಂಗಳವಾರ, 28 ಏಪ್ರಿಲ್ 2009( 19:56 IST ) |
ಮಹಾಸಮರದ ತೃತೀಯ ಹಂತದ ಮತದಾನಕ್ಕೆ ಆಖಾಡ ಸಿದ್ಧವಾಗಿದ್ದು, 107 ಕ್ಷೇತ್ರಗಳ ಅಭ್ಯರ್ಥಿಗಳು ತಮ್ಮ ಕೊನೇ ಕ್ಷಣದ ಬಹಿರಂಗ ಪ್ರಚಾರವನ್ನು ಅಂತ್ಯಗೊಳಿಸಿದ್ದಾರೆ. ಈ ಹಂತದ ಚುನಾವಣೆಯಲ್ಲಿ ಬಿಜೆಪಿಯ ಪ್ರಧಾನಿ ಅಭ್ಯರ್ಥಿ ಎಲ್.ಕೆ. ಆಡ್ವಾಣಿ, ಕಾಂಗ್ರೆಸ್‌ನ ಅಧಿನಾಯಕಿ ಸೋನಿಯಾಗಾಂಧಿ, ಮಾಜಿ ಪ್ರಧಾನಿ ದೇವೇಗೌಡ, ರಾಜ್ಯದ ಮಾಜಿ ಮುಖ್ಯಮಂತ್ರಿ ಬಂಗಾರಪ್ಪ ಸೇರಿದಂತೆ ಹಲವು ಘಟಾನುಘಟಿಗಳ ಅದೃಷ್ಟ ಒರೆಗೊಡ್ಡಲಿದೆ.
ಸೋನಿಯಾ ಕ್ಷೇತ್ರವಾದ ಉತ್ತರಪ್ರದೇಶದ ರಾಯ್ ಬರೇಲಿ ಹಾಗೂ ಆಡ್ವಾಣಿ ಅವರ ಕ್ಷೇತ್ರವಾಗಿರುವ ಗುಜರಾತಿನ ಗಾಂಧೀನಗರವು ಭಾರೀ ಪ್ರಚಾರವನ್ನು ಕಂಡಿದೆ. ಸೋನಿಯಾ ಪುತ್ರಿ ಪ್ರಿಯಾಂಕಾ ಗಾಂಧಿ ತನ್ನ ತಾಯಿ ಪರ ಪ್ರಚಾರಕ್ಕೆ ಟೊಂಕ ಕಟ್ಟಿದ್ದರು. ಆಡ್ವಾಣಿ ಅವರ ಪುತ್ರಿ ಪ್ರತಿಭಾ ಅವರೂ ಗಾಂಧಿನಗರದಲ್ಲಿ ತನ್ನ ತಂದೆಯ ಪರ ಭರದ ಪ್ರಚಾರದಲ್ಲಿ ತೊಡಗಿದ್ದರು.
ಮೂರನೆ ಹಂತದ ಈ ಚುನಾವಣೆಯಲ್ಲಿ ರಾಷ್ಟ್ರಾದ್ಯಂತ ಒಟ್ಟು 1,567 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. ಒಂಬತ್ತು ರಾಜ್ಯಗಳು ಮತ್ತು ಎರಡು ಕೇಂದ್ರಾಡಳಿತ ಪ್ರದೇಶದ ಒಟ್ಟು 107 ಕ್ಷೇತ್ರಗಳ ವ್ಯಾಪ್ತಿಯ ಮತಗಟ್ಟೆಗಳಲ್ಲಿ ಚುನಾವಣೆ ನಡೆಯಲಿದೆ.
ಜೆಡಿಯು ಮುಖ್ಯಸ್ಥ ಶರದ್ ಯಾದವ್, ಕೇಂದ್ರ ಸಚಿವರಾದ ಶ್ರೀಪ್ರಕಾಶ್ ಜೈಸ್ವಾಲ್ ಮತ್ತು ಜ್ಯೋತಿರಾದಿತ್ಯ ಸಿಂಧ್ಯ ಅವರ ಹಣೆಬರಹ ಗುರುವಾರ ನಿರ್ಧಾರವಾಗುತ್ತಿದೆ.
ಗುಜರಾತಿನ ಎಲ್ಲಾ 26 ಸ್ಥಾನಗಳಿಗೆ ಒಂದೇ ಹಂತದ ಮತದಾನ ನಡೆಯಲಿದೆ. ಗುಜರಾತ್ ಸೇರಿದಂತೆ, ಮಧ್ಯಪ್ರದೇಶದ 16, ಉತ್ತರ ಪ್ರದೇಶದ 15, ಪಶ್ಚಿಮಬಂಗಾಳದ 14, ಕರ್ನಾಟಕ ಮತ್ತು ಬಿಹಾರದ ತಲಾ 11, ಮಹಾರಾಷ್ಟ್ರದ 10 ಹಾಗೂ ಜಮ್ಮು ಕಾಶ್ಮೀರ, ಸಿಕ್ಕಿಂ, ದಾದ್ರ ನಗರ್ ಹವೇಲಿ, ಡಿಯು ಡಾಮನ್‌ಗಳ ತಲಾ ಒಂದೊಂದು ಕ್ಷೇತ್ರಗಳಲ್ಲಿ ಮತದಾನ ನಡೆಯುತ್ತಿದೆ.
ಚೆನ್ನರಾಯಪಟ್ಟಣದಲ್ಲಿ ಮುಖ್ಯಮಂತ್ರಿಗಳ ಮೇಲೆ ಹಾಗೂ ಗುಜರಾತಿನಲ್ಲಿ ಪ್ರಧಾನಿಯವರ ಮೇಲೆ ಚಪ್ಪಲಿ ಎಸೆತ ಪ್ರಯತ್ನ ಬಿಟ್ಟರೆ ಮಿಕ್ಕಂತೆ ಚುನಾವಣಾ ಪ್ರಚಾರ ಬಹುತೇಕ ಶಾಂತಿಯುತವಾಗಿತ್ತು. ಇದಲ್ಲದೆ, ಪಕ್ಷಗಳ ನಾಯಕರ ಪರಸ್ಪರ ಆರೋಪ ಪ್ರತ್ಯಾರೋಪಗಳಿಗೆ ಕೊರತೆ ಇರಲಿಲ್ಲ.
ಮೂರನೆ ಹಂತದ ಚುನಾವಣೆಯೊಂದಿಗೆ ಲೋಕಸಭೆಯ ಒಟ್ಟು 545 ಸ್ಥಾನಗಳಲ್ಲಿ 372 ಸ್ಥಾನಗಳಲ್ಲಿ ಮತದಾನ ಮುಗಿದಂತಾಗುತ್ತದೆ. 543 ಸ್ಥಾನಗಳಿಗೆ ಚುನಾವಣೆ ನಡೆದರೆ ಮಿಕ್ಕೆರಡು ಸ್ಥಾನಗಳಿಗೆ ಆಂಗ್ಲೋ ಇಂಡಿಯನ್ ಸಮುದಾಯದ ವ್ಯಕ್ತಿಗಳ ನಾಮ ನಿರ್ದೇಶನ ಮಾಡಲಾಗುತ್ತದೆ.
ಸೋನಿಯಾ ಕ್ಷೇತ್ರವಾದ ಉತ್ತರಪ್ರದೇಶದ ರಾಯ್ ಬರೇಲಿ ಹಾಗೂ ಆಡ್ವಾಣಿ ಅವರ ಕ್ಷೇತ್ರವಾಗಿರುವ ಗುಜರಾತಿನ ಗಾಂಧೀನಗರವು ಭಾರೀ ಪ್ರಚಾರವನ್ನು ಕಂಡಿದೆ. ಸೋನಿಯಾ ಪುತ್ರಿ ಪ್ರಿಯಾಂಕಾ ಗಾಂಧಿ ತನ್ನ ತಾಯಿ ಪರ ಪ್ರಚಾರಕ್ಕೆ ಟೊಂಕ ಕಟ್ಟಿದ್ದರು. ಆಡ್ವಾಣಿ ಅವರ ಪುತ್ರಿ ಪ್ರತಿಭಾ ಅವರೂ ಗಾಂಧಿನಗರದಲ್ಲಿ ತನ್ನ ತಂದೆಯ ಪರ ಭರದ ಪ್ರಚಾರದಲ್ಲಿ ತೊಡಗಿದ್ದರು.
ಮೂರನೆ ಹಂತದ ಈ ಚುನಾವಣೆಯಲ್ಲಿ ರಾಷ್ಟ್ರಾದ್ಯಂತ ಒಟ್ಟು 1,567 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. ಒಂಬತ್ತು ರಾಜ್ಯಗಳು ಮತ್ತು ಎರಡು ಕೇಂದ್ರಾಡಳಿತ ಪ್ರದೇಶದ ಒಟ್ಟು 107 ಕ್ಷೇತ್ರಗಳ ವ್ಯಾಪ್ತಿಯ ಮತಗಟ್ಟೆಗಳಲ್ಲಿ ಚುನಾವಣೆ ನಡೆಯಲಿದೆ.
ಜೆಡಿಯು ಮುಖ್ಯಸ್ಥ ಶರದ್ ಯಾದವ್, ಕೇಂದ್ರ ಸಚಿವರಾದ ಶ್ರೀಪ್ರಕಾಶ್ ಜೈಸ್ವಾಲ್ ಮತ್ತು ಜ್ಯೋತಿರಾದಿತ್ಯ ಸಿಂಧ್ಯ ಅವರ ಹಣೆಬರಹ ಗುರುವಾರ ನಿರ್ಧಾರವಾಗುತ್ತಿದೆ.
ಗುಜರಾತಿನ ಎಲ್ಲಾ 26 ಸ್ಥಾನಗಳಿಗೆ ಒಂದೇ ಹಂತದ ಮತದಾನ ನಡೆಯಲಿದೆ. ಗುಜರಾತ್ ಸೇರಿದಂತೆ, ಮಧ್ಯಪ್ರದೇಶದ 16, ಉತ್ತರ ಪ್ರದೇಶದ 15, ಪಶ್ಚಿಮಬಂಗಾಳದ 14, ಕರ್ನಾಟಕ ಮತ್ತು ಬಿಹಾರದ ತಲಾ 11, ಮಹಾರಾಷ್ಟ್ರದ 10 ಹಾಗೂ ಜಮ್ಮು ಕಾಶ್ಮೀರ, ಸಿಕ್ಕಿಂ, ದಾದ್ರ ನಗರ್ ಹವೇಲಿ, ಡಿಯು ಡಾಮನ್‌ಗಳ ತಲಾ ಒಂದೊಂದು ಕ್ಷೇತ್ರಗಳಲ್ಲಿ ಮತದಾನ ನಡೆಯುತ್ತಿದೆ.
ಚೆನ್ನರಾಯಪಟ್ಟಣದಲ್ಲಿ ಮುಖ್ಯಮಂತ್ರಿಗಳ ಮೇಲೆ ಹಾಗೂ ಗುಜರಾತಿನಲ್ಲಿ ಪ್ರಧಾನಿಯವರ ಮೇಲೆ ಚಪ್ಪಲಿ ಎಸೆತ ಪ್ರಯತ್ನ ಬಿಟ್ಟರೆ ಮಿಕ್ಕಂತೆ ಚುನಾವಣಾ ಪ್ರಚಾರ ಬಹುತೇಕ ಶಾಂತಿಯುತವಾಗಿತ್ತು. ಇದಲ್ಲದೆ, ಪಕ್ಷಗಳ ನಾಯಕರ ಪರಸ್ಪರ ಆರೋಪ ಪ್ರತ್ಯಾರೋಪಗಳಿಗೆ ಕೊರತೆ ಇರಲಿಲ್ಲ.
ಮೂರನೆ ಹಂತದ ಚುನಾವಣೆಯೊಂದಿಗೆ ಲೋಕಸಭೆಯ ಒಟ್ಟು 545 ಸ್ಥಾನಗಳಲ್ಲಿ 372 ಸ್ಥಾನಗಳಲ್ಲಿ ಮತದಾನ ಮುಗಿದಂತಾಗುತ್ತದೆ. 543 ಸ್ಥಾನಗಳಿಗೆ ಚುನಾವಣೆ ನಡೆದರೆ ಮಿಕ್ಕೆರಡು ಸ್ಥಾನಗಳಿಗೆ ಆಂಗ್ಲೋ ಇಂಡಿಯನ್ ಸಮುದಾಯದ ವ್ಯಕ್ತಿಗಳ ನಾಮ ನಿರ್ದೇಶನ ಮಾಡಲಾಗುತ್ತದೆ.
Play Free Online Games Click Here
Blogs, Videos and More Click Here
Send Musical and Animated Cards Click Here
Simple,Fast & Free Email Service Click Here