ಮತಸಮರ
| ಮಹಾತ್ಮಗಾಂಧಿ-ಬೋಸ್‌ಗೂ ನೀತಿ ಸಂಹಿತೆ ಬಿಸಿ!  ಬೆಂಗಳೂರು, ಗುರುವಾರ, 30 ಏಪ್ರಿಲ್ 2009( 13:43 IST ) |
 | ||
|
ರಾಜ್ಯದಲ್ಲಿ ಗುರುವಾರ 2ನೇ ಹಾಗೂ ಅಂತಿಮ ಹಂತದ ಚುನಾವಣೆ ನಡೆಯುತ್ತಿರುವ ಸಂದರ್ಭದಲ್ಲಿ ಬಾಗಲಕೋಟೆ ನವನಗರ ಶಾಲೆಯೊಂದರ ಮತಗಟ್ಟೆಯ ಗೋಡೆಯ ಮೇಲೆ ತೂಗು ಹಾಕಿರುವ ರಾಷ್ಟ್ರಪಿತ ಮಹಾತ್ಮಗಾಂಧಿ, ನೇತಾಜಿ ಸುಭಾಶ್ಚಂದ್ರ ಬೋಸ್ ಸೇರಿದಂತೆ ಎಲ್ಲ ಸ್ವಾತಂತ್ರ್ಯ ಹೋರಾಟಗಾರರ ಭಾವಚಿತ್ರವನ್ನು ಪೇಪರ್‌ನಿಂದ ಮುಚ್ಚಿರುವ ಅಂಶ ಬಯಲಾಗಿದ್ದು, ಗಾಂಧಿ, ಬೋಸ್ ಕೂಡ ಒಂದು ಪಕ್ಷದ ವಕ್ತಾರರೇ? ಅವರ ಭಾವಚಿತ್ರವನ್ನು ಪೇಪರ್‌ನಿಂದ ಮುಚ್ಚುವ ಅಗತ್ಯ ಇತ್ತೇ?ಎಂಬುದಾಗಿ ಮತದಾರರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಗಾಂಧಿ, ಬೋಸ್, ಪಟೇಲ್, ಶಾಸ್ತ್ರಿ ಸೇರಿದಂತೆ ಹಲವು ನಾಯಕರ ಭಾವಚಿತ್ರವನ್ನು ಪೇಪರ್‌ನಿಂದ ಮುಚ್ಚಿರುವುದು ಯಾಕೆ ಎಂಬ ಪ್ರಶ್ನೆಗೆ ಮತಗಟ್ಟೆಯ ಅಧಿಕಾರಿಗಳು, ಜಿಲ್ಲಾಧಿಕಾರಿಗಳು ಹಾರಿಕೆಯ ಉತ್ತರ ನೀಡಿದ್ದಾರೆ. ಚುನಾವಣಾ ಆಯೋಗದಿಂದ ಬಂದ ಆದೇಶದ ಮೇರೆಗೆ ರೆವಿನ್ಯೂ ಅಧಿಕಾರಿಗಳು ಈ ರೀತಿ ಮಾಡಿದ್ದಾರೆ ಎಂಬ ಸಮಜಾಯಿಷಿಕೆ ಅಧಿಕಾರಿಗಳದ್ದು.
ಸ್ವಾತಂತ್ರ್ಯ ಹೋರಾಟಗಾರರ ಭಾವಚಿತ್ರವನ್ನು ಪೇಪರ್‌ನಿಂದ ಮುಚ್ಚುವ ಮೂಲಕ ಜಿಲ್ಲಾಡಳಿತ ಅಪಮಾನ ಮಾಡಿದೆ ಎಂದು ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಒಟ್ಟಾರೆ ಗಾಂಧಿ, ಬೋಸ್‌ಗೂ ಚುನಾವಣಾ ನೀತಿ ಸಂಹಿತೆಯ ಬಿಸಿ ತಟ್ಟಿದಂತಾಗಿದೆ!
Play Free Online Games Click Here
Blogs, Videos and More Click Here
Send Musical and Animated Cards Click Here
Simple,Fast & Free Email Service Click Here
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಮಹಾತ್ಮಗಾಂಧಿ, ನೇತಾಜಿ, ಬಾಗಲಕೋಟೆ, Mahathma gandhi, bose, bagalakote, Lokasabe