ಮತಸಮರ
| ಮತಯಂತ್ರ ಸೇರಿದ ಘಟಾನುಘಟಿಗಳ 'ಭವಿಷ್ಯ'  2ನೇ ಹಂತ ಶೇ.60ರಷ್ಟು ಶಾಂತಿಯುತ ಮತದಾನ ಬೆಂಗಳೂರು, ಗುರುವಾರ, 30 ಏಪ್ರಿಲ್ 2009( 19:55 IST ) |
 | ||
|
ಗುರುವಾರ ಬೆಳಿಗ್ಗೆಯಿಂದ ಆರಂಭವಾದ ಮತದಾನ ಬಹುತೇಕ ಶಾಂತಿಯುತವಾಗಿದ್ದು, ಮತಯಂತ್ರ ದೋಷ, ಮತದಾನ ಬಹಿಷ್ಕಾರದಂತಹ ಘಟನೆಗಳನ್ನು ಹೊರತುಪಡಿಸಿ ಯಾವುದೇ ಅಹಿತಕರ ಘಟನೆ ನಡೆದಿಲ್ಲ.
2ನೇ ಹಂತದ ಮತದಾನದಲ್ಲಿ ನಗರ, ಪಟ್ಟಣ ಪ್ರದೇಶಗಳಲ್ಲಿ ಮತ ಚಲಾಯಿಸಲು ಹೆಚ್ಚಿನ ಆಸಕ್ತಿ ಕಂಡು ಬಂದಿಲ್ಲ, ಗ್ರಾಮೀಣ ಪ್ರದೇಶದಲ್ಲಿ ಮತದಾರರು ಆಸಕ್ತಿಯಿಂದ ಮತ ಚಲಾಯಿಸಿದರು.
 | ||
|
ಮಂಡ್ಯಲೋಕಸಭಾ ಕ್ಷೇತ್ರದ ಮಾದೇಗೌಡನ ಕೊಪ್ಪಲು, ಚಿಕ್ಕಕೊಪ್ಪಲ ಹಾಗೂ ಮಾರಚಿಕನಹಳ್ಳಿಯ ಸುಮಾರು 1450ಮಂದಿ ಮತದಾನ ಬಹಿಷ್ಕರಿಸಿದರು. ಚಿಕ್ಕಮಗಳೂರು ಜಿಲ್ಲೆಯ ತರೀಕೆರೆ ತಾಲೂಕಿನ ಕೆಂಚಾಪುರ, ಶಿರಗಳ್ಳಿ, ಮತ್ತಿಗಟ್ಟೆ ಗ್ರಾಮದ ಮತದಾರರೂ ಅದೇ ಹಾದಿ ಹಿಡಿದಿದ್ದರು.
ಮತದಾರರ ಪಟ್ಟಿಯಲ್ಲಿ ಹೆಸರು ನಾಪತ್ತೆಯಾಗಿರುವ ಬಗ್ಗೆ ಅಲ್ಲಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದು, ಉಡುಪಿಯ ಆದಿ ಉಡುಪಿಯ ಮತಗಟ್ಟೆಯಲ್ಲಿ 50ಹೆಸರುಗಳು ಮತದಾರರ ಪಟ್ಟಿಯಿಂದ ನಾಪತ್ತೆಯಾದ ಬಗ್ಗೆ ಪ್ರತಿಭಟನೆ ನಡೆಸಿದರು.
ಬಾಗಲಕೋಟೆ, ಶಿವಮೊಗ್ಗ, ಉಡುಪಿ-ಚಿಕ್ಕಮಗಳೂರು, ದಕ್ಷಿಣ-ಕನ್ನಡ, ಮಂಡ್ಯ, ಮೈಸೂರು, ಚಾಮರಾಜನಗರ, ಹಾವೇರಿ, ಧಾರವಾಡ, ದಾವಣಗೆರೆ, ಹಾಸನ ಲೋಕಸಭಾ ಕ್ಷೇತ್ರಗಳಿಗೆ ಚುನಾವಣೆ ನಡೆದಿತ್ತು. ಒಟ್ಟು 156 ಅಭ್ಯರ್ಥಿಗಳು ಸ್ಪರ್ಧಿಸಿದ್ದು, 1.55ಕೋಟಿ ಮತದಾರರು ಸಂಸತ್‌ನಲ್ಲಿ ತಮ್ಮನ್ನು ಪ್ರತಿನಿಧಿಸುವ ನಾಯಕನ ಹಣೆಬರಹವನ್ನು ಮತಚಲಾಯಿಸುವ ಮೂಲಕ ನಿರ್ಧರಿಸಿದ್ದಾರೆ.
ರಾಜ್ಯದ 28 ಕ್ಷೇತ್ರಗಳ ಪೈಕಿ 17 ಕ್ಷೇತ್ರಗಳಿಗೆ ಏ.23ರಂದು ಮತದಾನ ನಡೆದಿತ್ತು. ಮೇ 16ರಂದು ನಡೆಯುವ ಮತಎಣಿಕೆಯಲ್ಲಿ ಸಂಸತ್ ಪ್ರವೇಶಿಸುವ ಅದೃಷ್ಟಶಾಲಿಗಳು ಯಾರೆಂಬುದು ಬಹಿರಂಗವಾಗಲಿದೆ.
ಬಾಗಲಕೋಟೆ-ಶೇ.57, ಹಾವೇರಿ-ಶೇ.54, ಧಾರವಾಡ-ಶೇ.57, ದಾವಣಗೆರೆ-ಶೇ.60.20, ಶಿವಮೊಗ್ಗ-ಶೇ.62, ಉಡುಪಿ-ಚಿಕ್ಕಮಗಳೂರು-ಶೇ.62.50, ಹಾಸನ-ಶೇ.68.50, ದಕ್ಷಿಣಕನ್ನಡ-ಶೇ.72, ಮಂಡ್ಯ-ಶೇ.57.50, ಮೈಸೂರು-ಶೇ.56, ಚಾಮರಾಜನಗರ-ಶೇ.58ರಷ್ಟು ಮತದಾನ (ಸಂಜೆ 5.30ರ ಅಂಕಿ-ಅಂಶದಂತೆ) ದಾಖಲಾಗಿದೆ.
Play Free Online Games Click Here
Blogs, Videos and More Click Here
Send Musical and Animated Cards Click Here
Simple,Fast & Free Email Service Click Here
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಲೋಕಸಭೆ, ದೇವೇಗೌಡ, ಬಂಗಾರಪ್ಪ, ಪೂಜಾರಿ, ಸದಾನಂದ ಗೌಡ, Lokasabe, devegowda, bangarappa, poojary, sadanandagowda