ವಾಯವ್ಯ ಮನ್ನಾರ್ ಮತ್ತು ವಾಯುನಿಯ ಗಡಿಗಳಲ್ಲಿ ತಮಿಳು ಬಂಡುಕೋರರು ಮತ್ತು ಸೈನಿಕರ ನಡುವೆ ಬುಧವಾರ ಬೆಳಿಗ್ಗೆ ನಡೆದ ಭೀಕರ ಕದನದಲ್ಲಿ 6 ತಮಿಳು ಬಂಡುಕೋರರು ಮತ್ತು ಮೂವರು ಸೈನಿಕರು ಹತರಾಗಿದ್ದಾರೆ.
ವಾಯುನಿಯ ಮತ್ತು ಮನ್ನಾರ್ ಜಿಲ್ಲೆಗಳ ಗಡಿಗಳಲ್ಲಿರುವ ವಿಲಾತಿಕುಲಂ, ಪೆರಿಯಾಂತಪಣೈ, ಪೊಕ್ಕರವೇನಿ ಮತ್ತು ನವಾಕ್ಕುಲಂ ಪ್ರದೇಶದಲ್ಲಿ ಸರ್ಕಾರಿ ಪಡೆಗಳು ಮತ್ತು ಬಂಡುಕೋರರ ನಡುವೆ ಪುನಃ ಘರ್ಷಣೆ ಸಂಭವಿಸಿತೆಂದು ರಕ್ಷಣಾ ಸಚಿವಾಲಯದ ಮೂಲಗಳು ತಿಳಿಸಿವೆ.
ಈ ಸಂಘರ್ಷದಲ್ಲಿ 6 ಎಲ್‌ಟಿಟಿಇ ಉಗ್ರರು ಸತ್ತಿದ್ದು, ಅನೇಕ ಮಂದಿ ಗಾಯಗೊಂಡರು. ಮೂವರು ಸೈನಿಕರು ಹತರಾಗಿದ್ದು,ಐವರಿಗೆ ಗಾಯಗಳಾಗಿವೆ ಎಂದು ಸಚಿವಾಲಯ ಹೇಳಿದೆ.
ಕಳೆದ ಒಂದು ವರ್ಷದಿಂದ ಸಂಘರ್ಷದ ತೀವ್ರತೆಯು ನಾರ್ವೆ ಪ್ರಾಯೋಜಿತ ಐದು ವರ್ಷಗಳ ಕದನವಿರಾಮ ಒಪ್ಪಂದದ ಉಳಿವಿಗೆ ಪ್ರಶ್ನಾರ್ಥಕ ಚಿಹ್ನೆಯನ್ನು ಮೂಡಿಸಿದೆ.
|
ಸುದ್ದಿ ಜಗತ್ತು > ಸುದ್ದಿಗಳು > ಅಂತಾರಾಷ್ಟ್ರೀಯ
