ನಿರೀಕ್ಷೆಯಂತೆಯೇ ವಿವಾದಿತ ಅಧ್ಯಕ್ಷೀಯ ಚುನಾವಣೆಯಲ್ಲಿ ಭಾರಿ ಅಂತರದಲ್ಲಿ ಜಯಗಳಿಸಿ ಪಾಕಿಸ್ತಾನದ ಅಧ್ಯಕ್ಷ ಪರ್ವೇಜ್ ಮುಷರಫ್, ಈ ಫಲಿತಾಂಶವನ್ನು ಒಪ್ಪಿಕೊಳ್ಳುವಂತೆ ವಿರೋಧ ಪಕ್ಷಗಳಿಗೆ ಕರೆ ನೀಡಿದ್ದಾರೆ.
ಇಂತಹ ಭಾರಿ ಅಂತರದ ಜ. ತಂದು ಕೊಟ್ಟದಕ್ಕೆ ನಾನು ದೇವರಿಗೆ ಆಭಾರಿಯಾಗಿದ್ದೇನೆ. ವಿರೋಧ ಪಕ್ಷಗಳು ಈ ಫಲತಾಂಶವನ್ನು ಸ್ವೀಕರಿಸುವಂತೆ ನಾನು ಕರೆ ನೀಡುತ್ತೇನೆ ಮತ್ತು ದೇಶವನ್ನು ಅಸ್ಥಿರಗೊಳಿಸದಂತೆ ವಿನಂತಿಸುತ್ತೇನೆ ಎಂದು ಮುಷರಫ್ ವರದಿಗಾರರಲ್ಲಿ ಹೇಳಿದ್ದಾರೆ.
ತಮ್ಮ ಎಂದಿನ ಸೈನಿಕ ಸಮವಸ್ತ್ರದ ಬದಲಾಗಿ ನಾಗರಿಕ ಬಟ್ಟೆಯನ್ನು ದರಿಸಿದ್ದ ಮಿಲಿಟರಿ ಆಡಳಿತಗಾರ ಮುಷರಫ್, ಜನರು ಸಂಧಾನಾತ್ಮಕ ದೃಷ್ಠಿಯನ್ನು ಹೊಂದುವಂತೆ ನಾನು ಮನವಿ ಮಾಡುತ್ತೇನೆ ಎಂದು ಹೇಳಿದರು.
ಒಂದು ವೇಳೆ ಸುಪ್ರೀಂ ಕೋರ್ಟ್ ಈ ಫಲಿತಾಂಶವನ್ನು ರದ್ದುಪಡಿಸಿದರೆ ಏನು ಮಾಡುವಿರಿ ಎಂಬ ಪ್ರಶ್ನೆಗೆ ಪ್ರತಿಕ್ರಿಯಿಸಲು ನಿರಾಕರಿಸಿದ ಮುಷರಫ್, ಅವರು ತಮ್ಮ ನಿರ್ಧಾರ ಹೇಳಲಿ ನಂತರ ನಾವು ನಿರ್ಧರಿಸುತ್ತೇವೆ ಎಂದು ಹೇಳಿದರು.
|
ಸುದ್ದಿ ಜಗತ್ತು > ಸುದ್ದಿಗಳು > ಅಂತಾರಾಷ್ಟ್ರೀಯ
