ಬಾಂಗ್ಲಾ:ದೋಣಿ ಮುಳುಗಿ 33 ಸಾವು ಢಾಕಾ, ಮಂಗಳವಾರ, 9 ಅಕ್ಟೋಬರ್ 2007( 15:11 IST )

ಕೇಂದ್ರ ಬಾಂಗ್ಲಾದೇಶದ ಮೇಘ್ನಾ ನದಿಯಲ್ಲಿ ಕೆಟ್ಟ ಹವೆಯಿಂದ ಮಂಗಳವಾರ ದೋಣಿಯೊಂದು ಮುಳುಗಿ 33 ಜನರು ನೀರುಪಾಲಾಗಿದ್ದಾರೆಂದು ಶಂಕಿಸಲಾಗಿದೆ. ಎಂಜಿನ್ ಚಾಲಿತ ದೋಣಿಯಲ್ಲಿ 50 ಜನರಿದ್ದು, ರಾಯ್‌ಪುರಾ ಥಾನಾದಿಂದ ಹೊರಟಿತ್ತು. ಆದರೆ ಸ್ವಲ್ಪ ಹೊತ್ತಿನಲ್ಲೇ ಬಿರುಗಾಳಿಗೆ ಸಿಕ್ಕಿ ಮುಳುಗಿತೆಂದು ಪೊಲೀಸರು ತಿಳಿಸಿದ್ದಾರೆ. ಎಲ್ಲರೂ ಮುಳುಗಿರಬಹುದೆಂದು ಶಂಕಿಸಲಾಗಿದ್ದು, ಎರಡು ಮೃತದೇಹಗಳು ಮಾತ್ರ ಪತ್ತೆಯಾಗಿವೆ. ಬಂಗಾಳಕೊಲ್ಲಿಯಲ್ಲಿ ವಾಯುಭಾರ ಕುಸಿತದಿಂದ ಸತತ ಮಳೆ ಮತ್ತು ಬಿರುಗಾಳಿಯಿಂದ ರಾಜಧಾನಿ ಢಾಕಾ ಸೇರಿದಂತೆ ಬಾಂಗ್ಲಾದೇಶದಾದ್ಯಂತ ಹವಾಮಾನ ವೈಪರೀತ್ಯದಿಂದ ಕೂಡಿದೆ.