ಚುನಾವಣೆಗೆ ಸ್ಪರ್ಧಿಸಲು ಗೋರ್ ನಕಾರ ಒಸ್ಲೋ, ಬುಧವಾರ, 17 ಅಕ್ಟೋಬರ್ 2007( 17:16 IST )

ಹವಾಮಾನ ಬದಲಾವಣೆಯ ವಿರುದ್ಧ ಕೈಗೆತ್ತಿಕೊಂಡ ಪ್ರಚಾರಕ್ಕೆ ನೊಬೆಲ್ ಪ್ರಶಸ್ತಿ ಪಡೆದ ನಂತರ, ಅಮೆರಿಕ ಅಧ್ಯಕ್ಷೀಯ ಚುನಾವಣೆಗೆ ಸ್ಪರ್ಧಿಸುವ ವಿಚಾರವನ್ನು ಮಾಜಿ ಉಪಾಧ್ಯಕ್ಷ ಅಲ್ ಗೋರೆ ತಳ್ಳಿಹಾಕಿದ್ದಾರೆ ಈ ಪ್ರತಿಷ್ಠಿತ ಪ್ರಶಸ್ತಿಯನ್ನು ಪಡೆಯುವುದು ಅತಿ ದೊಡ್ಡ ಗೌರವವಾಗಿದೆ ಎಂದು ಅಲ್ ಗೋರೆ ಒಸ್ಲೋದಲ್ಲಿ ಘೋಷಿಸಿದ್ದರು. ಅಧ್ಯಕ್ಷೀಯ ಚುನಾವಣೆಯಲ್ಲಿ ಸ್ಪರ್ಧಿಸುವ ಬಗ್ಗೆ ಯಾವುದೇ ಯೋಚನೆಯನ್ನು ಹೊಂದಿಲ್ಲ ಎಂದು ಪ್ರಶಸ್ತಿಯು ರಾಜಕೀಯ ಪರಿಸ್ಥಿತಿಯಲ್ಲಿ ಹೇಗೆ ಪರಿಣಾಮ ಬೀರಲಿದೆ ಎಂದು ಸಂದರ್ಶನವೊಂದರಲ್ಲಿ ಕೇಳಿದ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ್ದರು. ಗೋರ್ ಅವರು ಚುನಾವಣೆಯಲ್ಲಿ ಸ್ಪರ್ಧಿಸುವಂತೆ ಒತ್ತಾಯಿಸಿ ಸುಮಾರು 200,000 ಜನರು ಸಹಿ ಹಾಕಿದ್ದಾರೆ ಎಂದು ಡ್ರಾಫ್ಟ್‌ಗೋರ್ ಡಾಟ್ ಕಾಮ್ ಎಂಬ ಸಂಘಟನೆಯೊಂದು ತಿಳಿಸಿದೆ. ನಾವು ವಿವಿಧ ಜಾಗತಿಕ ಪ್ರಚಾರಗಳಲ್ಲಿ ಭಾಗಿಯಾಗಿದ್ದೇನೆ ಎಂದು ಗೋರ್ ಹೇಳಿದ್ದು, ಇದು, ಹವಾಮಾನ ಬಿಕ್ಕಟ್ಟಿನ ಕುರಿತು ಜನರ ಚಿಂತನೆಯ ರೀತಿಯನ್ನು ಬದಲಾಯಿಸುವ ಪ್ರಚಾರವಾಗಿದೆ ಎಂದು ಹೇಳಿದರು.