ಚಿನ್ನದ ಗಣಿ ಸ್ಫೋಟ:ಸಿಕ್ಕಿಬಿದ್ದ 60 ಕಾರ್ಮಿಕರು ಕ್ವಿಟೊ(ಯುಕಾಡರ್), ಮಂಗಳವಾರ, 27 ನವೆಂಬರ್ 2007( 16:45 IST )

ದಕ್ಷಿಣ ಯುಕಾಡರ್‌ನ ಚಿನ್ನದ ಗಣಿಯಲ್ಲಿ ಅಪ್ಪಳಿಸಿದ ಸ್ಫೋಟದಿಂದ ಕನಿಷ್ಠ 60 ಗಣಿಕಾರ್ಮಿಕರು ಭೂಗರ್ಭದಲ್ಲಿ ಸಿಕ್ಕಿಬಿದ್ದಿದ್ದಾರೆ. ಕೆಲವು ಅನಿರ್ದಿಷ್ಟ ಮಂದಿ ಕಾರ್ಮಿಕರು ಸ್ಫೋಟದಲ್ಲಿ ಗಾಯಗೊಂಡಿದ್ದು, ಅಧಿಕಾರಿಗಳು ರಕ್ಷಣಾ ಕಾರ್ಯಾಚರಣೆ ಆರಂಭಕ್ಕೆ ಸಿದ್ಧತೆ ನಡೆಸಿದ್ದಾರೆ. ಕ್ವಿಟೊ ನೈರುತ್ಯಕ್ಕೆ 370 ಕಿಮೀ ದೂರದಲ್ಲಿರುವ ಪಾಂಕೆ ಎನ್ರಿಕ್ವೆಜ್ ಗ್ರಾಮದಲ್ಲಿ ಈ ಸ್ಫೋಟ ಸಂಭವಿಸಿದೆ. ಗಣಿಯಲ್ಲಿ ಭೂಗತರಾದ ಸುಮಾರು 60 ಜನರ ರಕ್ಷಣೆಗೆ ಅಧಿಕಾರಿಗಳು ತಕ್ಷಣದ ಪ್ರತಿಕ್ರಿಯೆ ನೀಡುವರೆಂದು ಒಳಾಡಳಿತ ಸಚಿವ ಗಾಸ್ಟೊವ್ ಲಾರಿಯ ತಿಳಿಸಿದರು. ಈ ಗಣಿಯನ್ನು ಸ್ಥಳೀಯ ಸಹಕಾರ ಸಂಘ ನಡೆಸುತ್ತಿದ್ದು ಸೀಮಿತ ಸುರಕ್ಷತೆ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಲಾರಿಯ ಹೇಳಿದ್ದಾರೆ.