ಸೇನಾ ಕಾರ್ಯಾಚರಣೆ :13 ಉಗ್ರರ ಸಾವು ಕೊಲಂಬೊ, ಶನಿವಾರ, 1 ಡಿಸೆಂಬರ್ 2007( 16:28 IST )

ಶ್ರೀಲಂಕಾದ ಸೇನಾಪಡೆ ಹಾಗೂ ಉಗ್ರರ ನಡುವೆ ನಡೆದ ಘರ್ಷಣೆಯಲ್ಲಿ 13 ಉಗ್ರರು ಸೇರಿದಂತೆ ಒಬ್ಬ ಸೈನಿಕನು ಸಾವನ್ನಪ್ಪಿದ್ದಾನೆ ಎಂದು ಸೇನಾಪಡೆಗಳ ವಕ್ತಾರರು ತಿಳಿಸಿದ್ದಾರೆ. ಜಾಫ್ನಾದ ಪೆನ್ನಿಸುಲಾದ ಮಹಾಮಲೈನಲ್ಲಿ ಸೇನಾಪಡೆಗಳು ಮತ್ತು ಉಗ್ರರ ನಡುವೆ ಭೀಕರ ಘರ್ಷಣೆ ನಡೆದು 6 ಮಂದಿ ಉಗ್ರರು ಸಾವನ್ನಪ್ಪಿದ್ದಾರೆ ಎಂದು ರಾಷ್ಟ್ರೀಯ ಭದ್ರತಾ ಪಡೆಯ ಮಾಧ್ಯಮ ಕೇಂದ್ರ ವರದಿ ಮಾಡಿದೆ. ದೇಶದ ಉತ್ತರ ಭಾಗದಲ್ಲಿರುವ ವನ್ನಿ ಪ್ರದೇಶದಲ್ಲಿರುವ ಗಡಿರೇಖೆಯನ್ನು ದಾಟಲು ಯತ್ನಿಸಿದ ಉಗ್ರರನ್ನು ಸೇನಾಪಡೆಗಳು ತಡೆದಾಗ ನಡೆದ ಘರ್ಷಣೆ ಉಗ್ರರಿಗೆ ಭಾರಿ ಹಾನಿಯಾಗಿದೆ ಎಂದು ಹೇಳಿದೆ. ಉಗ್ರರ ವಿರುದ್ದ ನಡೆದ ಕಾರ್ಯಾಚರಣೆಯಲ್ಲಿ 15 ಭಾರಿ ಪ್ರಮಾಣದ ಶಸ್ತ್ರಾಸ್ತ್ರಗಳು ಸೇರಿದಂತೆ ಗ್ರೈನೆಡ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಸೇನಾಪಡೆಗಳ ವಕ್ತಾರರು ತಿಳಿಸಿದ್ದಾರೆ. ಪೊಲೀಸರು ಮತ್ತು ಸೇನಾಪಡೆಗಳು ಜಂಟಿಯಾಗಿ ಕಾರ್ಯಾಚರಣೆ ನಡೆಸಿ ಟ್ರಂಕಮಲೈನಲ್ಲಿ ಐವರು ಶಂಕಿತ ಉಗ್ರರನ್ನು ಬಂಧಿಸಲಾಗಿದೆ ಎಂದು ಸೇನಾ ಮೂಲಗಳು ತಿಳಿಸಿವೆ.