ಶ್ರೀಲಂಕಾ: ಗುಂಡಿನ ಚಕಮಕಿಯಲ್ಲಿ 27 ಸಾವು ಕೋಲೊಂಬೊ, ಭಾನುವಾರ, 2 ಡಿಸೆಂಬರ್ 2007( 12:43 IST )

ಶ್ರೀಲಂಕಾದ ಉತ್ತರ ಹಿಂಸಾಪೀಡಿತ ಪ್ರದೇಶದಲ್ಲಿ ಶನಿವಾರ ಎಲ್‌ಟಿಟಿಇ ಬಂಡುಕೋರರು ಹಾಗೂ ಸೇನೆಗಳ ನಡುವೆ ನಡೆದ ಭಾರೀ ಗುಂಡಿನ ಚಕಮಕಿಯಲ್ಲಿ 24 ಗೆರಿಲ್ಲಾ ಹಾಗೂ ಮೂವರು ಸೈನಿಕರು ಒಳಗೊಂಡಂತೆ ಒಟ್ಟಾರೆ 27 ಮಂದಿ ಮೃತಪಟ್ಟಿದ್ದು, ಡಜನ್‌ಗಿಂತಲೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ ಎಂದು ಸೇನಾಪಡೆಯ ಮೂಲಗಳು ತಿಳಿಸಿದೆ. ನೈರುತ್ಯ ಭಾಗದಲ್ಲಿನ ಗಡಿಭಾಗವನ್ನು ಪ್ರವೇಶಿಸಿದ ಬಂಡುಕೋರರನ್ನು ಸೇನೆಯು ಹತ್ಯೆ ಮಾಡಿದ್ದು, ಸುಮಾರು 13 ಮಂದಿ ಇಧಕ್ಕೆ ಬಲಿಯಾಗಿದ್ದು, 47 ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ. ಜೊತೆಗೆ ಸೇನೆಯು ಮನ್ನಾರ್ ಜಿಲ್ಲಯಲ್ಲಿರುವ ಬಂಡುಕೋರರ ಬಂಕರ್‍‌ನ್ನು ನಾಶಗೊಳಿಸಿದೆ ಎಂದು ರಕ್ಷಣಾ ಸಚಿವಾಲಯದ ಅಧಿಕಾರಿಯೊಬ್ಬರು ಮಾಧ್ಯಮಕ್ಕೆ ತಿಳಿಸಿದ್ದಾರೆ. ಈ ಹೋರಾಟದಲ್ಲಿ ಸುಮಾರು ಮೂರು ಮಂದಿ ಸೈನಿಕರು ಹತರಾಗಿದ್ದು, 14 ಮಂದಿ ಗಾಯಗೊಂಡಿದ್ದಾರೆ ಎಂದು ಅದಿಕಾರಿಗಳು ತಿಳಿಸಿದ್ದಾರೆ. ಉತ್ತರ ಶ್ರೀಲಂಕಾದ ಜಫ್ನಾ ಪರ್ಯಾಯ ದ್ದೀಪ ಮಹಾಮಲೈನಲ್ಲಿ ಸರಕಾರ ಹಾಗೂ ಬಂಡುಕೋರರ ನಡುವಿನ ಗಡಿಭಾಗವನ್ನು ಪ್ರತ್ಯೇಕಿಸುವ ಭಾಗದಲ್ಲಿ ಎಲ್‌ಟಿಟಿಇ ಉಗ್ರರ ಸೇನಾಪಡೆಯ ಮೇಲೆ ದಾಳಿ ನಡೆಸಿದರು ಎಂದು ಅಧಿಕಾರಿಗಳು ಹೇಳಿದರು. ಸೇನೆಯು ತಕ್ಷಣವೇ ಅವರ ಮೇಲೆ ದಾಳಿ ನಡೆಸಿ ಸುಮಾರು ಆರು ಮಂದಿ ಉಗ್ರರರನ್ನು ಹತ್ಯೆ ಮಾಡಿತು ಎಂದ ಅವರು, ಈ ಹೋರಾಟದಲ್ಲಿ ಪಡೆಗೆ ಯಾವುದೇ ಧಕ್ಕೆ ಉಂಟಾಗಿಲ್ಲ ಎಂದು ಸಮರ್ಥಿಸಿಕೊಂಡರು.