ದುಬೈಗೆ ಭುಟ್ಟೋ ಪ್ರಯಾಣ ಇಸ್ಲಾಮಾಬಾದ್, ಶುಕ್ರವಾರ, 7 ಡಿಸೆಂಬರ್ 2007( 15:27 IST )

ಕೌಟಂಬಿಕ ಭೇಟಿಗಾಗಿ ಮಾಜಿ ಪ್ರಧಾನಿ ಬೆನ್‌ಜಿರ್ ಭುಟ್ಟೋ ದುಬೈಗೆ ಪ್ರಯಾಣ ಬೆಳೆಸಿದ್ದಾರೆಂದು ಪಾಕಿಸ್ತಾನ್ ಪೀಪಲ್ಸ್ ಪಕ್ಷದ ವಕ್ತಾರರು ತಿಳಿಸಿದ್ದಾರೆ. ಭುಟ್ಟೋ ಕಳೆದ ರಾತ್ರಿ ದುಬೈಗೆ ಹೊರಡಲು ಸಿದ್ದವಾಗಿದ್ದರೂ ಮರೆವಿನಿಂದಾಗಿ ಅವಧಿ ಮುಗಿದು ಹೋದ ಹಳೆಯ ಪಾಸ್‌ಪೋರ್ಟ್‌ನ್ನು ತೆಗೆದುಕೊಂಡು ಏರ್‌ಪೋರ್ಟ್‌ಗೆ ಹೋಗಿದ್ದರು. ಈ ಹಿನ್ನೆಲೆಯಲ್ಲಿ ಪ್ರಯಾಣ ರದ್ದಾಗಿತ್ತು ಎಂದು ವಕ್ತಾರ ಫರ್ತುಲ್ಲಾ ಬಾಬರ್ ಹೇಳಿದ್ದಾರೆ. ಇಂದು ಬೆಳಿಗ್ಗೆ ದುಬೈಗೆ ಪ್ರಯಾಣ ಬೆಳೆಸಿದ್ದು, ಮೂರು ಅಥವಾ ನಾಲ್ಕು ದಿನಗಳ ಕಾಲ ದುಬೈನಲ್ಲಿದ್ದು, ತವರಿಗೆ ಮರಳಲಿದ್ದಾರೆ ಎಂದು ಬಾಬರ್ ತಿಳಿಸಿದ್ದಾರೆ. ಎಂಟು ವರ್ಷಗಳ ಧೀರ್ಘಾವಧಿಯ ನಂತರ ಅಕ್ಟೋಬರ್ 18ರಂದು ಪಾಕ್‌ಗೆ ಆಗಮಿಸಿದ ಭುಟ್ಟೋ ಮುಂಬರುವ ಚುನಾವಣೆಯಲ್ಲಿ ಪೀಪಲ್ಸ್ ಪಕ್ಷದ ನಾಯಕತ್ವವನ್ನು ವಹಿಸಿದ್ದು, ಚುನಾವಣೆಗಳು ಮುಕ್ತ, ಪಾರದರ್ಶಕವಾಗಿ ನಡೆಯದಿದ್ದಲ್ಲಿ ಮತದಾನವನ್ನು ಬಹಿಷ್ಕರಿಸಲಿದ್ದಾರೆ ಎಂದು ವಕ್ತಾರ ಬಾಬರ್ ತಿಳಿಸಿದ್ದಾರೆ.