ಪಾಕ್ ಮೇಲೆ ದಾಳಿಗೆ ಕೈದಾ ಸಂಚು ವಾಷಿಂಗ್ಟನ್ , ಶನಿವಾರ, 22 ಡಿಸೆಂಬರ್ 2007( 13:33 IST )

ಪಾಕ್ ನಿಯಂತ್ರಿತ ಅಪ್ಘಾನಿಸ್ತಾನ್-ಪಾಕ್ ಗಡಿಭಾಗದಲ್ಲಿ ತಮ್ಮ ತಂಡವನ್ನು ಮತ್ತೇ ಪುನಶ್ಚೇತನಗೊಳಿಸಿಕೊಳ್ಳುತ್ತಿರುವ ಜಗತ್ತಿನ ಅಪಾಯಕಾರಿ ಉಗ್ರಗಾಮಿ ಸಂಘಟನೆ ಅಲ್-ಖೈದಾ, ಪಾಕಿಸ್ತಾನದ ಸರಕಾರ ಮತ್ತು ಮಿಲಿಟರಿ ಮೇಲೆ ತೀವ್ರ ದಾಳಿ ನಡೆಸಲು ಸನ್ನದ್ಧವಾಗಿದೆ ಎಂದು ಅಮೆರಿಕಾದ ರಕ್ಷಣಾ ಕಾರ್ಯದರ್ಶಿ ರಾಬರ್ಟ್ ಗೇಟ್ಸ್ ಅಭಿಪ್ರಾಯಪಟ್ಟಿದ್ದಾರೆ. ಆದರೆ, ಪಾಕಿಸ್ತಾನದಲ್ಲಿನ ಅಲ್-ಖೈದಾ ಚಟುವಟಿಕೆಗಳು ನೇರೆಯ ಅಫ್ಘಾನಿಸ್ತಾನಕ್ಕೆ ಯಾವುದೇ ರೀತಿಯ ತೊಂದರೆಯನ್ನಾಗಲಿ, ಧಕ್ಕೆಯನ್ನಾಗಲಿ ಮಾಡಿಲ್ಲವೆಂದು ತಿಳಿಸಿದ ಪೆಂಟಗಾನ್ ಪರಮೋಚ್ಛ ನಾಯಕರಾಗಿರುವ ಗೇಟ್ಸ್, ಕಳೆದ ಎರಡು ವರ್ಷಗಳಿಂದ ಅಪ್ಘನ್‌ನಲ್ಲಿ ತಾಲಿಬಾನ್ ಹಿಂಸಾಚಾರ ಕಡಿಮೆಯಾಗುತ್ತಿದೆ ಎಂಬ ಅಂಶವನ್ನು ತಿಳಿಸಿದ್ದಾರೆ. "ಪಾಕಿಸ್ತಾನ-ಅಪ್ಘಾನಿಸ್ತಾನ ಗಡಿ ಭಾಗದ ಹಲವು ಪ್ರಂಟಿಯರ್ ವಲಯಗಳಲ್ಲಿ ಅಲ್-ಖೈದಾ ಮತ್ತೇ ಚಿಗಿತುಕೊಳ್ಳುತ್ತಿದೆ ಎನ್ನುವುದರಲ್ಲಿ ಸಂಶಯವೇ ಇಲ್ಲ. ಆದರೆ, ಇದರಿಂದಾಗಿ ಇದುವರೆಗೆ ಅಫ್ಘಾನಿಸ್ತಾನಕ್ಕೆ ಯಾವುದೇ ಅಪಾಯವಾಗಿಲ್ಲ" ಎಂದು ಗೇಟ್ಸ್ ತಿಳಿಸಿದ್ದಾರೆ. "ಅಲ್-ಖೈದಾ ಉಗ್ರಗಾಮಿ ಸಂಘಟನೆಯು ಇದೀಗ ತನ್ನ ಮುಖವನ್ನು ಪಾಕಿಸ್ತಾನದೆಡೆಗೆ ತಿರುಗಿಸಿದ್ದು, ಪಾಕ್ ಸರಕಾರ ಮತ್ತು ಪಾಕಿಸ್ತಾನ ಜನರ ಮೇಲೆ ದಾಳಿ ನಡೆಸುವ ಹುನ್ನಾರವನ್ನು ರಚಿಸಿಕೊಂಡಿದೆ" ಎಂದವರು ಸುದ್ದಿಗಾರರಿಗೆ ವಿವರ ನೀಡಿದರು. ಇದೇವೇಳೆ, ಅಲ್-ಖೈದಾ ದಾಳಿಯನ್ನು ಸಮರ್ಥವಾಗಿ ಎದುರಿಸುವ ಬಗೆಯ ಕುರಿತು ಪೆಂಟಾಗನ್, ಪಾಕಿಸ್ತಾನದ ಮಿಲಿಟರಿ ಅಧಿಕಾರಿಗಳಿಗೆ ಸಮರ್ಪಕವಾದ ತರಬೇತಿ ನೀಡಿ, ಉಗ್ರರ ದಾಳಿಯನ್ನು ಸಮರ್ಥವಾಗಿ ಎದುರಿಸಲು ಬೇಕಾದ ಯುದ್ಧ ಕೌಶಲ್ಯಗಳನ್ನು ತಿಳಿಸಿಕೊಡಲಿದೆ ಎಂದವರು ಹೇಳಿದರು. ಗೇಟ್ಸ್ ಅಭಿಪ್ರಾಯದಂತೆ ಅಲ್-ಖೈದಾ, ಸೋಮವಾರ ಪಾಕಿಸ್ತಾನದ ವಾಯುವ್ಯ ಪ್ರಾಂತ್ಯದ ಕೊಹಾಟ್ ಎಂಬಲ್ಲಿ ಮಿಲಿಟರಿ ಶಿಬಿರದ ಮೇಲೆ ದಾಳಿ ಮಾಡಿದ ಉಗ್ರಗಾಮಿ ಆತ್ಮಹತ್ಯಾ ಬಾಂಬರ್, 10 ಜನ ಮಿಲಿಟರಿ ಅಧಿಕಾರಿಗಳನ್ನು ಕೊಂದು ಹಾಕುವಲ್ಲಿ ಸಫಲವಾಗಿದ್ದನ್ನು ಇಲ್ಲಿ ಸ್ಮರಿಸಬಹುದು.