ಪತ್ತೆಯಾಗದ ತಂದೆ,ಮಗನ ದೇಹಗಳು ದುಬೈ, ಬುಧವಾರ, 9 ಜನವರಿ 2008( 13:49 IST )

ಖೋರ್ ಕೊವೈರ್ ಪ್ರದೇಶದಲ್ಲಿ ಭಾನುವಾರ ಸಂಜೆ ಸಮುದ್ರದಲ್ಲಿ ಮುಳುಗಿ ಸತ್ತ ಭಾರತೀಯ ತಂದೆ ಮತ್ತು ಮಗನ ದೇಹಗಳನ್ನು ಇನ್ನೂ ಪತ್ತೆಹಚ್ಚಲಾಗಿಲ್ಲ.ತನ್ನ ಪತ್ನಿಯ ಅಗಲಿಕೆಯ ವೇದನೆ ತಡೆಯಲಾರದೇ 30 ವರ್ಷ ವಯಸ್ಸಿನ ಮೊಹಮದ್ ಸಾನು ತನ್ನ ಜೀವನವನ್ನು ಕೊನೆಗಾಣಿಸುವ ವಿಪರೀತ ಹೆಜ್ಜೆಯನ್ನು ಇಟ್ಟನು. ಸಾನು ಕೇರಳಕ್ಕೆ ತೆರಳಿ ತನ್ನ ಪತ್ನಿಯ ಜತೆ ವಾಸಿಸಲು ತಂದೆ ಮೊಹಮದ್ ಅಬ್ದುಲ್ ರಷೀದ್ ನಿರಾಕರಿಸಿದ್ದರಿಂದ ಈ ವಿಪರೀತದ ಕ್ರಮ ಕೈಗೊಂಡರೆಂದು ಪತ್ರಿಕೆಯೊಂದು ವರದಿ ಮಾಡಿದೆ.ಸಾನು ತಂದೆ ತನ್ನ ಸೊಸೆಯನ್ನು ಯುಎಇಗೆ ತರಲು ವ್ಯವಸ್ಥೆ ಮಾಡುತ್ತಿದ್ದರು. ಆದರೆ ಸಾನು ಪತ್ನಿಯ ವೇದನೆ ಸಹಿಸಲಾರದೇ ಆತ್ಮಹತ್ಯೆಗೆ ಶರಣಾದ ಎಂದು ಸಂಬಂಧಿಯೊಬ್ಬರು ತಿಳಿಸಿದ್ದಾರೆ.ಸಾನು ಭಾನುವಾರ ಸಂಜೆ ಸಮುದ್ರದಲ್ಲಿ ಬಹುದೂರದವರೆಗೆ ತೆರಳಿದ. ಅವನ ತಂದೆ ಸಾನುವನ್ನು ಉಳಿಸಲು ಅವರು ಕೂಡ ಸಮುದ್ರಕ್ಕೆ ಇಳಿದಾಗ ಭಾರೀ ಗಾತ್ರದ ಅಲೆಗಳಲ್ಲಿ ಕೊಚ್ಚಿಕೊಂಡು ಹೋದರೆಂದು ತಿಳಿದುಬಂದಿದೆ.ಪೊಲೀಸ್ ಈಜುಗಾರರು ದೇಹಗಳನ್ನು ಹುಡುಕುವ ಯತ್ನ ಮುಂದುವರಿಸಿದ್ದು, ಪ್ರಯತ್ನ ನಿಷ್ಫಲವಾಗಿದೆ.