ಭಯೋತ್ಪಾದಕರ ದಮನಕ್ಕೆ ಬಲ ಅಗತ್ಯ ಇಸ್ಲಾಮಾಬಾದ್, ಮಂಗಳವಾರ, 15 ಜನವರಿ 2008( 17:29 IST )

ಭಯೋತ್ಪಾದಕತೆಯನ್ನು ನಿರ್ಮೂಲನೆ ಮಾಡುವ ಪಣ ತೊಟ್ಟ ಪಾಕ್ ಅಧ್ಯಕ್ಷ ಪರ್ವೇಜ್ ಮುಷರಫ್, ಉಗ್ರವಾದಿಗಳನ್ನು ಬಲದಿಂದ ನಿಭಾಯಿಸಬೇಕೇ ಹೊರತು ಅದಕ್ಕೆ ಯಾವುದೇ ರಾಜಕೀಯ ಪರಿಹಾರವಿಲ್ಲ ಎಂದು ಹೇಳಿದ್ದಾರೆ. ಭಯೋತ್ಪಾದಕತೆಯನ್ನು ಬುಡದಿಂದ ಕೀಳಲು ತನ್ನ ಸರಕಾರ ಬದ್ಧವಾಗಿದೆ ಎಂದು ತಿಳಿಸಿದ ಮುಷರಫ್, ತಾವು ಭಯೋತ್ಪಾದಕರ ಬೆನ್ನೆಲುಬನ್ನು ಮುರಿಯಬೇಕು ಮತ್ತು ಪಾಕ್‌ನ್ನು ಸದೃಡಗೊಳಿಸಲು ಆರ್ಥಿಕತೆ ಅಭಿವೃದ್ಧಿಗಾಗಿ ಕಾರ್ಯೋನ್ಮುಖರಾಗಬೇಕು ಎಂದು ಕರೆ ನೀಡಿದರು. ಆಗ್ನೇಯ ಗಡಿ ಪ್ರಾಂತ್ಯದಲ್ಲಿನ ಸ್ವೇಟ್ ಕಣಿವೆಯಲ್ಲಿ ನಡೆಯುತ್ತಿರುವ ಭಯೋತ್ಪಾದನಾ ವಿರೋಧಿ ಕಾರ್ಯಚರಣೆಯನ್ನು ಉಲ್ಲೇಖಿಸಿ ಮಾತನಾಡಿದ ಅವರು, ಇದು ದೊಡ್ಡ ಯಶಸ್ಸು ನೀಡಿದ್ದು, ಉಗ್ರರನ್ನು ನಿರ್ಮೂಲನೆ ಮಾಡಲಾಗುವುದು ಎಂದು ಹೇಳಿದರು.