ಪಾಕಿಸ್ತಾನ ಕೈವಶಕ್ಕೆ ಅಲ್ ಕೈದಾ ಆದೇಶ ಇಸ್ಲಾಮಾಬಾದ್, ಶನಿವಾರ, 19 ಜನವರಿ 2008( 13:17 IST )

ಪಾಕಿಸ್ತಾನದ ಪಡೆಗಳ ಮೇಲೆ ಹೊಸ ದಾಳಿ ನಡೆಸುವಂತೆ ಅಲ್ ಕೈದಾ ತನ್ನ ಅನುಯಾಯಿಗಳಿಗೆ ಆದೇಶಿಸಿದ್ದು, ಆಫ್ಘಾನಿಸ್ತಾನದ ರೀತಿಯಲ್ಲಿ ಪಾಕಿಸ್ತಾನದಲ್ಲಿ ಸಹ ಜಿಹಾದಿ ಕಡ್ಡಾಯವಾಗಿದೆ ಎಂದು ತಿಳಿಸಿದೆ. ನಿನ್ನೆ ಬಿಡುಗಡೆ ಮಾಡಿದ ವಿಡಿಯೋ ಸಂದೇಶದಲ್ಲಿ, ಪಾಕಿಸ್ತಾನ ಬುಡಕಟ್ಟ ಪ್ರದೇಶಗಳ ಎರಡು ಪ್ರಮುಖ ಅಲ್ ಕೈದಾ ಗುಂಪುಗಳು ಇಸ್ಲಾಮಾಬಾದ್ ವಶಕ್ಕೆ ತೆಗೆದುಕೊಳ್ಳುವಂತೆ ಆದೇಶಿಸಿವೆ. ಉಜ್ಬೇಕಿಸ್ತಾನ ಇಸ್ಲಾಮಿಕ್ ಆಂದೋಳನ ಮತ್ತು ಉತ್ತರ ವಾಜಿರಿಸ್ತಾನದ ಉಜ್ಬೆಕ್ ಉಗ್ರರ ನಾಯಕ ಖಾದಿರ್ ತಾಹಿರ್ ಯಾಲ್ಡೆಶಿವ್ ಮೇಲಿನ ಆದೇಶವನ್ನು ನೀಡಿದ್ದಾನೆ. ಜು.2007ರಲ್ಲಿ 100 ಹೆಚ್ಚು ಉಗ್ರಗಾಮಿಗಳು ಮತ್ತು ಕಟ್ಟಾ ಮದ್ರಸಾ ವಿದ್ಯಾರ್ಥಿಗಳು ಅಸುನೀಗಿದ ಲಾಲ್ ಮಸೀದಿ ಕಾರ್ಯಾಚರಣೆಗೆ ಸೇಡು ತೀರಿಸಿಕೊಳ್ಳುವಂತೆ ಅವನು ಮುಸ್ಲಿಮರಿಗೆ ಒತ್ತಾಯಿಸಿದ್ದಾಗಿ ಪತ್ರಿಕೆಯೊಂದು ವರದಿ ಮಾಡಿದೆ. ಪಾಕಿಸ್ತಾನದಲ್ಲಿ ಕಟ್ಟುನಿಟ್ಟಾದ ಷರಿಯತ್ ಕಾನೂನನ್ನು ತರುವ ಅಗತ್ಯದ ಬಗ್ಗೆ ಯಾಲ್ಡ್‌ಶಿವ್ ಹೇಳಿದ್ದಾನೆ. ಇಸ್ಲಾಮ್ ಹೆಸರಿನಲ್ಲಿ ಪಾಕಿಸ್ತಾನವು ಸ್ಥಾಪನೆಯಾಯಿತು. ಆದ್ದರಿಂದ ಇಸ್ಲಾಮಿಕ್ ಕಾನೂನನ್ನು ಅಲ್ಲಿ ಜಾರಿಮಾಡಬೇಕು ಎಂದು ಅವನು ಹೇಳಿದ್ದಾನೆ.