ಸಹಪಾಠಿಗಳನ್ನು ಕೊಂದು ತಾನೂ ಸತ್ತಳು ಲೌಸಿಯಾನಾ, ಶನಿವಾರ, 9 ಫೆಬ್ರವರಿ 2008( 12:52 IST )

ಲೌಸಿಯಾನದ ತಾಂತ್ರಿಕ ಕಾಲೇಜೊಂದರ ತರಗತಿಯಲ್ಲಿ ವಿದ್ಯಾರ್ಥಿನಿಯೊಬ್ಬಳು ತನ್ನಿಬ್ಬರು ಸಹಪಾಠಿಗಳನ್ನು ಗುಂಡಿಕ್ಕಿ ಕೊಂದು ತಾನೂ ಗುಂಡುಹಾರಿಸಿಕೊಂಡು ಸತ್ತಿರುವುದಾಗಿ ವರದಿಯಾಗಿದೆ. ಕಾಲೇಜು ಕಟ್ಟಡದ ಎರಡನೆ ಮಹಡಿಯಲ್ಲಿದ್ದ ತರಗತಿ ಕೋಣೆಯಲ್ಲಿ ಈ ಹುಡುಗಿಯರು ಕುಳಿತಿದ್ದ ಸ್ಥಳದಲ್ಲಿಯೇ ಮೃತರಾಗಿದ್ದಾರೆ. ಸತ್ತವರಲ್ಲಿ ಒಬ್ಬಾಕೆಯೇ ಹಂತಕಿಯಾಗಿರಬೇಕು ಎಂಬುದಾಗಿ ಪೊಲೀಸರು ಹೇಳಿದ್ದಾರೆ. ಅಮೆರಿಕದಲ್ಲಿ ಹೆಚ್ಚುತ್ತಿರುವ ಗುಂಡುಹಾರಾಟ ಪ್ರಕರಣಗಳಲ್ಲಿ ಇದು ಇತ್ತೀಚಿನದ್ದಾಗಿದೆ. ಇದೇ ದಿನದಂದು ಮಿಸ್ಸೋರಿ ಮಂಡಳಿ ಸಭೆಯಲ್ಲಿ ಬಂಧೂಕುದಾರಿಯೊಬ್ಬ ಗುಂಡುಹಾರಿಸಿ ಐದು ಮಂದಿಯನ್ನು ಹತ್ಯೆ ಮಾಡಿದ್ದಾನೆ. ಈ ಹಂತಕ ಬಳಿಕ ಪೊಲೀಸರ ಗುಂಡಿಗೆ ಬಲಿಯಾದ. ಗುರುವಾರ ನಡೆದ ಇನ್ನೊಂದು ಪ್ರಕರಣದಲ್ಲಿ ಒಹಿಯೋದ ಶಾಲೆಯೊಂದರಲ್ಲಿ ಆಕ್ರೋಶಿತ ಪತಿಯೊಬ್ಬ ತನ್ನ ಪತ್ನಿಯನ್ನು ಆಕೆಯ ವಿದ್ಯಾರ್ಥಿನಿಯರ ಎದುರೇ ಗುಂಡಿಟ್ಟು ಗಾಯಗೊಳಿಸಿದ್ದಾನೆ. ಬಳಿಕ ಪೊಲೀಸರೊಂದಿಗೆ ನಡೆದ ಘರ್ಷಣೆಯ ಬಳಿಕ ತನಗೇ ಗುಂಡುಹಾರಿಸಿಕೊಂಡಿದ್ದಾನೆ.