ಬ್ರಿಟನ್ನಿನಲ್ಲಿ ಸಜ್ಜಾಗಿರುವ ಪ್ರಥಮ ಹಿಂದೂ ಶಾಲೆ ಲಂಡನ್, ಬುಧವಾರ, 20 ಫೆಬ್ರವರಿ 2008( 16:19 IST )

ಬ್ರಿಟನ್ನಿನಲ್ಲಿ ಪ್ರಥಮ ಸರಕಾರಿ ಹಿಂದೂ ಶಾಲೆಯು ಸೆಪ್ಟೆಂಬರ್ 2008ರಿಂದ ಹ್ಯಾರೊದಲ್ಲಿ ಆರಂಭ ಗೊಳ್ಳಲಿದೆ. ಕೃಷ್ಣ ಅವಂತಿ ಪ್ರಾಥಮಿಕ ಶಾಲೆ ಎಂದು ಕರೆಸಿಕೊಳ್ಳಲಿರುವ ಈ ಶಾಲೆಯು ಮೊದಲ ಬ್ಯಾಚಿಗೆ 30 ವಿದ್ಯಾರ್ಥಿಗಳನ್ನು ಸೇರಿಕೊಳ್ಳಲಿದೆ. 2016ರ ತನಕ ಪ್ರತಿವರ್ಷ 30 ವಿದ್ಯಾರ್ಥಿಗಳು ಈ ಶಾಲೆಗೆ ಸೇರಲಿದ್ದಾರೆ. ಹ್ಯಾರೊದಲ್ಲಿ ಸುಮಾರು 40 ಸಾವಿರ ಹಿಂದೂಗಳು ನೆಲೆಸಿದ್ದು, ಇಲ್ಲಿನ ಒಟ್ಟು ಜನಸಂಖ್ಯೆಯಲ್ಲಿ ಶೇ. 19.6ರಷ್ಟು ಹಿಂದೂಗಳು. ಶಿಕ್ಷಣ ಇಲಾಖೆಯು ಹಿಂದೂ ಶಾಲೆಯನ್ನು ಸ್ಥಾಪಿಸುವುದಾಗಿ 2005ರ ನವೆಂಬರ್‌ನಲ್ಲಿ ಘೋಷಿಸಿತ್ತು. 10 ದಶಲಕ್ಷ ಪೌಂಡ್ ವೆಚ್ಚದಲ್ಲಿ ಪ್ರಮುಖ ಹಿಂದೂ ಚಾರಿಟಿ ಸಂಸ್ಥೆಯಾಗಿರುವ ಐ ಪ್ರತಿಷ್ಠಾನವು ಈ ಶಾಲೆಯನ್ನು ನಿರ್ಮಿಸಿದೆ. ತಮ್ಮ ನಂಬುಗೆಗೆ ಅನುಗುಣವಾಗಿ ಹಿಂದುಗಳು ತಮ್ಮ ಮಕ್ಕಳಿಗೆ ಶಿಕ್ಷಣ ನೀಡಲು ಆಯ್ಕೆ ನೀಡುವುದು ಈ ಶಾಲೆಯ ಉದ್ದೇಶವಾಗಿದೆ. ಬ್ರಿಟನ್ನಿನಲ್ಲಿ ಎಲ್ಲ ಪ್ರಮುಖ ಧರ್ಮಗಳಿಗೆ ಸ್ವಯಂ ಅನುದಾನಿತ ಶಾಲೆಗಳಿದ್ದು ಹಿಂದೂಗಳು ಈ ಅವಕಾಶದಿಂದ ವಂಚಿತರಾಗಬಾರದು ಎಂಬುದಾಗಿ ಐ-ಪ್ರತಿಷ್ಠಾನದ ನಿತೀಶ್ ಗೋರ್ ಹೇಳಿದ್ದಾರೆ.