ಭುಟ್ಟೊ ಅಭಿಯಾನ ಮುಂದುವರಿಸುವೆ: ಜರ್ದಾರಿ ಇಸ್ಲಾಮಾದ್, ಶುಕ್ರವಾರ, 7 ಮಾರ್ಚ್ 2008( 17:55 IST )

PTI ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಸಂದರ್ಭದಲ್ಲಿ ಮಹಿಳಾ ಸಮುದಾಯಕ್ಕೆ ಶುಭಾಶಯ ಕೋರಿರುವ ಪಾಕಿಸ್ತಾನದ ಮಾಜಿ ಪ್ರಧಾನಿ ದಿವಂಗತ ಬೆನಜೀರ್ ಭುಟ್ಟೋ ಅವರ ಪತಿ ಅಸಿಫ್ ಅಲಿ ಜರ್ದಾರಿ ಅವರು, ಪಾಕಿಸ್ತಾನಿ ಮಹಿಳೆಯರ ಉನ್ನತಿಗಾಗಿ ತನ್ನ ಪತ್ನಿಯ ಅಭಿಯಾನವನ್ನು ಮುಂದುವರಿಸುವುದಾಗಿ ಹೇಳಿದ್ದಾರೆ. ಪಕ್ಷಪಾತಿತನದ ಕಾನೂನಿನ ಅವಮಾನ ಮತ್ತು ಯಾತನೆಯಿಂದ ಮಹಿಳೆಯರನ್ನು ಹೊರತರಲು ಪಕ್ಷಬೇಧ ಮರೆತು ರಾಜಕೀಯ ಪಕ್ಷಗಳು ಒಂದಾಗಬೇಕು ಎಂದು ತಾನು ಈ ಸಂದರ್ಭಗಳಲ್ಲಿ ಕರೆನೀಡುವುದಾಗಿ ಜರ್ದಾರಿ ನುಡಿದರು. ಮಹಿಳಾ ಹಕ್ಕುಗಳನ್ನು ಧಾರ್ಮಿಕ, ನೈತಿಕ ಮತ್ತು ರಾಜಕೀಯ ಬಾಧ್ಯತೆಯಾಗಿ ಉನ್ನತೀಕರಣಕ್ಕೆ ಯತ್ನಿಸುವುದಾಗಿ ಪಿಪಿಪಿ ಪಕ್ಷದ ಸಹ-ಅಧ್ಯಕ್ಷ ಹೇಳಿದರು. ಮಹಿಳಾ ಔನ್ನತ್ಯದ ಕುರಿತು ತಮ್ಮ ಪಕ್ಷವು ಅಧಿಕಾರದಲ್ಲಿದ್ದಾಗ ತಳೆದಿದ್ದ ಧೋರಣೆಯು ಹಾಗೇ ಮುಂದುವರಿಯಲಿದೆ ಎಂದು ಜರ್ದಾರಿ ನುಡಿದರು.