ಅಮೆರಿಕ ಆರ್ಥಿಕ ಹಿಂಜರಿತ: 63,000 ಉದ್ಯೋಗ ಬಲಿ ವಾಶಿಂಗ್ಟನ್, ಶನಿವಾರ, 8 ಮಾರ್ಚ್ 2008( 13:13 IST )

PTI ಅಮೆರಿಕದ ಆರ್ಥಿಕತೆಯ ನಿಧಾನಗತಿಯಿಂದಾಗಿ ಅಲ್ಲಿನ ಒಟ್ಟು 63,000 ಉದ್ಯೋಗಿಳ ವೃತ್ತಿಗೆ ಸಂಚಾಕಾರ ಒದಗಿದೆ. ಇದು ಕಳೆದ ಐದು ವರ್ಷಗಳಲ್ಲೇ ಕೆಲಸ ಕಳಕೊಂಡವರ ಅತಿದೊಡ್ಡ ಸಂಖ್ಯೆಯಾಗಿದೆ. "ಕೆಲಸ ಕಳೆದುಕೊಳ್ಳುವುದು ನೋವಿನ ವಿಚಾರ. ಅಮರಿಕನ್ನರು ನಮ್ಮ ಆರ್ಥಿಕತೆಯ ಕುರಿತು ಕಳವಳವಳಗೊಂಡಿದ್ದಾರೆಂದು ತನಗೆ ಗೊತ್ತು" ಎಂಬುದಾಗಿ ಬುಶ್ ಹೇಳಿದ್ದಾರೆ. ನಮ್ಮ ಆರ್ಥಿಕತೆಯ ಸಂಕಷ್ಟದ ಕಾಲ, ಸಮಸ್ಯೆಯನ್ನು ಆರಂಭಿಕ ಹಂತದಲ್ಲೇ ನಾವು ಕಂಡುಕೊಂಡಿದ್ದೇವೆ ಮತ್ತು ಇದರ ಪರಿಹಾರಕ್ಕಾಗಿ ನಾವು ಕ್ರಮ ಕೈಗೊಂಡಿದ್ದೇವೆ ಎಂದು ಅವರು ಹೇಳಿದ್ದಾರೆ. ತೆರಿಗೆದಾರರಿಗೆ ಅಮೆರಿಕ ಕಾಂಗ್ರೆಸ್‌ ನೀಡಿರುವ ತೆರಿಗೆ ವಿನಾಯಿತಿಯನ್ನು ಉಳಿಸಬೇಡಿರಿ ಎಂದು ಹೇಳಿರುವ ಬುಶ್, ಇದನ್ನು ವ್ಯಯಿಸಿ ಎಂದಿದ್ದಾರೆ. ನೀವಿದನ್ನು ವ್ಯಯಿಸಿದಾಗ ಹಣವು ಅಮೆರಿಕದ ಜನತೆಗೆ ತಲುಪುತ್ತದೆ ಮತ್ತು ಇದರಿಂದ ಗ್ರಾಹಕರ ವ್ಯಯಿಸುವ ಸಾಮರ್ಥ್ಯ ಹೆಚ್ಚುತ್ತದೆ ಎಂದು ಅವರು ತೆರಿಗೆಪಾವತಿದಾರರಿಗೆ ಕರೆ ನೀಡಿದ್ದಾರೆ.