ಯುಎಸ್ ಸಭಾಧ್ಯಕ್ಷೆ ಭಾರತ ಭೇಟಿ ವಾಷಿಂಗ್ಟನ್, ಮಂಗಳವಾರ, 18 ಮಾರ್ಚ್ 2008( 13:39 IST )

ಭಾರತ-ಅಮೆರಿಕ ನಾಗರಿಕ ಪರಮಾಣು ಒಪ್ಪಂದವನ್ನು ಪ್ರಮುಖ ಕಾರ್ಯಸೂಚಿಯಾಗಿಸಿಕೊಂಡು ಅಮೆರಿಕ ಸಂಸತ್ತಿನ ಸಭಾಧ್ಯಕ್ಷೆ ನ್ಯಾನ್ಸಿ ಪೆಲೊಸಿ ಐದು ದಿನಗಳ ಭೇಟಿಗಾಗಿ ನಾಳೆ ಭಾರತಕ್ಕೆ ಆಗಮಿಸಲಿದ್ದಾರೆ. ಅಮೆರಿಕದ ಪ್ರಭಾವಶಾಲಿ ಡೆಮಾಕ್ರೆಟಿಕ್ ಸದಸ್ಯೆಯಾದ ಪೆಲೊಸಿ ಪ್ರಧಾನಿ ಮನಮೋಹನ್ ಸಿಂಗ್ ಹಾಗೂ ಇನ್ನಿತರ ಹಿರಿಯ ನಾಯಕರೊಂದಿಗೆ ಮಾರ್ಚ್ 20 ರಂದು ಅಧಿಕೃತ ಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ವಿದೇಶಾಂಗ ಮೂಲಗಳು ತಿಳಿಸಿವೆ. ಉಭಯ ದೇಶಗಳ ಭಾಂದವ್ಯ ವೃದ್ಧಿಗಾಗಿ ನಾಗರಿಕ ಪರಮಾಣು ಒಪ್ಪಂದ ಸೇರಿದಂತೆ ಪ್ರಮುಖ ವಿಷಯಗಳ ಕುರಿತಂತೆ ಚರ್ಚೆ ನಡೆಸಲಿದ್ದಾರೆ. ನಾಗರಿಕ ಪರಮಾಣು ಒಪ್ಪಂದಕ್ಕೆ ಸಮಯ ನಿಗದಿಗಾಗಿ ಕಾಂಗ್ರೆಸ್‌ನೊಂದಿಗೆ ಚರ್ಚೆ ನಡೆಸಲಿದ್ದಾರೆ ಎಂದು ವಿದೇಶಾಂಗ ಮೂಲಗಳು ತಿಳಿಸಿವೆ. ಪರಿಸರ ಸಮಸ್ಯೆ ಕುರಿತಂತೆ ಅಧಿಕೃತ ಮತ್ತು ಅನಧಿಕೃತ ಸಭೆಗಳಲ್ಲಿ ಪೆಲೊಸಿ ಚರ್ಚಿಸಬಹುದೆಂದು ವಿದೇಶಾಂಗ ವಕ್ತಾರರು ತಿಳಿಸಿದ್ದಾರೆ.