ಭೂತಾನ್ ಚುನಾವಣೆ ಸ್ವಾಗತಾರ್ಹ -ಅಮೆರಿಕ ವಾಷಿಂಗ್ಟನ್, ಮಂಗಳವಾರ, 25 ಮಾರ್ಚ್ 2008( 15:26 IST )

ಭೂತಾನ್ ದೇಶದಲ್ಲಿ ರಾಜ್ಯಾಧಿಕಾರದಿಂದ ಪ್ರಜಾಪ್ರಭುತ್ವದೆಡೆಗೆ ಸಾಗಲು ನಡೆದ ಚುನಾವಣೆಯಲ್ಲಿ ಭಾಗವಹಿಸಿದ ಮತದಾರರಿಗೆ ಅಮೆರಿಕ ಅಭಿನಂದಿಸಿದ್ದು, ಪ್ರಜಾಪ್ರಭುತ್ವದ ಧನಾತ್ಮಕ ಚಾಲನೆಯಾಗಿದೆ ಎಂದು ಅಮೆರಿಕ ಸಂತಸ ವ್ಯಕ್ತಪಡಿಸಿದೆ. ಮಾರ್ಚ್ 24 ರಂದು ನಡೆದ ಸಂಸದೀಯ ಚುನಾವಣೆಯನ್ನು ಶಾಂತಿಪೂರ್ವಕವಾಗಿ ಯಶಸ್ವಿಯಾಗಿ ನಡೆಸಲು ಕಾರಣಿಭೂತರಾದ ಜನತೆಗೆ ಅಮೆರಿಕ ಅಭಿನಂದಿಸಿದೆ ಎಂದು ವಕ್ತಾರ ಸೀನ್ ಮ್ಯಾಕ್ ಕೊರ್ಮ್ಯಾಕ್ ತಿಳಿಸಿದ್ದಾರೆ. ಭೂತಾನ್‌ನಲ್ಲಿ ನಡೆದ ಚುನಾವಣೆಯಲ್ಲಿ ಮಾಜಿ ಪ್ರಧಾನಿ ಹಾಗೂ ಅಮೆರಿಕದ ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದ ಪದವೀಧರ ನೇತೃತ್ವದ ಪಕ್ಷ 47 ಕ್ಷೇತ್ರಗಳಲ್ಲಿ 44 ಕ್ಷೇತ್ರಗಳನ್ನು ತನ್ನ ಮಡಿಲಿಗೆ ಹಾಕಿಕೊಂಡು ವಿಜಯ ಸಾಧಿಸಿದೆ. ಚುನಾವಣೆಯಲ್ಲಿ ಭೂತಾನ್ ಯುನೈಟೆಡ್ ಪಾರ್ಟಿ ಕೇವಲ ಮೂರು ಸ್ಥಾನಗಳಲ್ಲಿ ಗೆಲುವು ಸಾಧಿಸಿದ್ದು ಹೀನಾಯ ಸೋಲನುಭವಿಸಿದೆ ಎಂದು ರಾಜಕೀಯ ಮೂಲಗಳು ತಿಳಿಸಿವೆ.