ಭದ್ರತಾ ಮಂಡಳಿ ಸದಸ್ಯತ್ವ ಭಾರತ ಪರ ಚಿಲಿ ಸ್ಯಾಂಟಿಯಾಗೊ, ಮಂಗಳವಾರ, 22 ಏಪ್ರಿಲ್ 2008( 13:54 IST )

ಭದ್ರತಾ ಮಂಡಳಿಯ ಖಾಯಂ ಸದಸ್ಯತ್ವ ಸ್ಥಾನವನ್ನು ಭಾರತಕ್ಕೆ ನೀಡಬೇಕು ಎಂದು ಚಿಲಿ ಬಹಿರಂಗವಾಗಿ ಹೇಳಿದ್ದು, ಭಾರತ ಭದ್ರತಾ ಮಂಡಳಿಯಲ್ಲಿ ಸದಸ್ಯತ್ವ ಸ್ಥಾನ ಪಡೆಯುವ ಮೂಲಕ ಮಂಡಳಿಯ ವ್ಯಾಪ್ತಿ ವಿಸ್ತಾರವಾಗುವುದು ಅಲ್ಲದೇ ಅದರ ಚಟುವಟಿಕೆಗಳು ಪಾರದರ್ಶಕವಾಗಿರುತ್ತವೆ ಎಂದು ಹೇಳಿದೆ. ಮೂರು ದಿನಗಳ ಚೀಲಿಗೆ ಭೇಟಿಗೆ ಆಗಮಿಸಿರುವ ರಾಷ್ಟ್ರಪತಿ ಪ್ರತಿಭಾದೇವಿ ಪಾಟೀಲ್ ಅವರನ್ನು ಸ್ವಾಗತಿಸಿದ ಚಿಲಿ ಅಧ್ಯಕ್ಷ ಮೈಕೆಲ್ ಬೆಚೆಲಟ್ ಅವರು ಸಂಯುಕ್ತ ರಾಷ್ಟ್ರ ಸಂಘದ ಭದ್ರತಾ ಮಂಡಳಿಯಲ್ಲಿ ಭಾರತಕ್ಕೆ ಖಾಯಂ ಸದಸ್ಯತ್ವದ ಸ್ಧಾನಮಾನ ನೀಡುವುದು ಸರಿ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು. ರಾಷ್ಟ್ರಪತಿ ಪ್ರತಿಭಾದೇವಿ ಪಾಟೀಲ್ ಅವರೊಂದಿಗೆ ನಾಲ್ಕು ಒಪ್ಪಂದಗಳಿಗೆ ಸಹಿ ಹಾಕಿದ ನಂತರ ಮಾತನಾಡಿದ ಮೈಕೆಲ್ ಬ್ಲಾಚೆಟ್ ಅವರು ಭದ್ರತಾ ಮಂಡಳಿಯ ಕಾರ್ಯ ಚಟುವಟಿಕೆಗಳು ಪಾರದರ್ಶಕವಾಗಬೇಕಾದಲ್ಲಿ ಭಾರತ ಮಂಡಳಿಯಲ್ಲಿ ಖಾಯಂ ಸದಸ್ಯತ್ವ ಸ್ಥಾನ ದೊರೆಯಬೇಕು ಎಂದು ಹೇಳಿದರು.