ಜಾರ್ಜಿಯಾದ ವಿರುದ್ಧ ರಶ್ಯಾ ಸೇನಾದಾಳಿ ನಡೆಸಿ ಹಿಂಸಾಚಾರ ನಡೆಸುತ್ತಿರುವುದು ಸಮ್ಮತವಲ್ಲ, ರಷ್ಯಾ ಸರಿಯಾದ ದಾರಿಯಲ್ಲಿ ಸಾಗುತ್ತಿಲ್ಲ ಎಂದು ಅಮೆರಿಕ ಅಧ್ಯಕ್ಷ ಜಾರ್ಜ್ ಬುಷ್ ತೀವ್ರವಾಗಿ ಖಂಡಿಸಿದ್ದಾರೆ.
ದಕ್ಷಿಣ ಒಸ್ಸೆಟಿಯಾ ಪ್ರದೇಶವನ್ನು ನಿಯಂತ್ರಣಕ್ಕೆ ತೆಗೆದುಕೊಳ್ಳುವ ನಿಟ್ಟಿನಲ್ಲಿ ರಷ್ಯಾ ದಾಳಿಯನ್ನು ಮುಂದುವರಿಸಬಾರದು ಎಂದು ಅಮೆರಿಕ ರಷ್ಯಾವನ್ನು ಒತ್ತಾಯಿಸಿದೆ.
"ರಶ್ಯಾ, ಜಾರ್ಜಿಯಾದ ದಕ್ಷಿಣ ಒಸ್ಸೆಟಿಯಾ ಮೇಲೆ ಬಾಂಬ್ ದಾಳಿ ನಡೆಸಿರುವುದು ಸರಿಯಾದ ಕ್ರಮವಲ್ಲ, ನಾವು ಈಗಾಗಲೇ ತೀವ್ರವಾದ ಖಂಡನಾ ನಿರ್ಣಯವನ್ನು ರಶ್ಯಾಗೆ ತಿಳಿಸಿದ್ದೇವೆ" ಎಂದು ಬುಷ್ ಸುದ್ದಿವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
ಜಾರ್ಜಿಯಾದ ವಿರುದ್ಧ ರಶ್ಯಾ ನಡೆಸುತ್ತಿರುವ ದಾಳಿಗೆ ಯಾವುದೇ ಅರ್ಥವಿಲ್ಲ. ಆದರೆ ದಾಳಿಯನ್ನು ಮುದುವರಿಸಿದಲ್ಲಿ ಅಮೆರಿಕದೊಂದಿಗಿನ ಸಂಬಂಧದಲ್ಲಿ ತೊಡಕಾಗಲಿದೆ ಎಂದು ಅಮೆರಿಕೆಯ ಉಪಾಧ್ಯಕ್ಷ ಡಿಕ್ ಚೀನಿ ಅಭಿಪ್ರಾಯಪಟ್ಟಿದ್ದಾರೆ.
ದಕ್ಷಿಣ ಒಸ್ಸೆಟಿಯಾದಿಂದ ಕಾಲ್ತೆಗೆಯುವುದಾಗಿ ಈಗಾಗಲೇ ಹೇಳಿಕೆ ನೀಡಿ ಶಾಂತಿ ಮಾತುಕತೆಗೆ ಸಿದ್ಧವೆಂದು ಜಾರ್ಜಿಯಾ ಹೇಳಿದ ನಂತರವೂ, ಜಾರ್ಜಿಯಾದ ಸೇನಾಪಡೆಗಳ ವಿರುದ್ಧ ರಶ್ಯಾ ಭೂದಳ ಮತ್ತು ನೌಕಾದಳು ದಾಳಿ ಮುಂದುವರಿಸಿವೆ ಎಂದು ಅಮೆರಿಕ ದೂರಿದೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ