ತಾಲಿಬಾನ್ ಉಗ್ರರಿಗೆ ಅಫ್ಘಾನಿಸ್ಥಾನದಲ್ಲಿ ಪಾಕಿಸ್ತಾನ ಗುಪ್ತಚರದಳಗಳು ಸಹಾಯ ನೀಡುತ್ತಿರುವುದರಿಂದ ಪ್ರಸಕ್ತ ವರ್ಷ ದಾಳಿಯು ಹೆಚ್ಚುತ್ತಿದೆ ಎಂದು ನ್ಯಾಟೋ ಕಮಾಂಡರ್ ತಿಳಿಸಿದ್ದಾರೆ.
ಯುರೋಪಿಯನ್ನರು ಸೇರಿದಂತೆ ವಿದೇಶಿ ಹೋರಾಟಗಾರರ ಸಂಖ್ಯೆಯಲ್ಲಿ ಹೆಚ್ಚಳವಾಗಿದ್ದು ಅಂತಾರಾಷ್ಟ್ರೀಯ ಭದ್ರತಾ ಸಹಕಾರ ದಳ ಸೈನಿಕರ ಕೊರತೆಯನ್ನು ಎದುರಿಸುತ್ತಿದೆ ಎಂದು ಅಮೆರಿಕ ಜನರಲ್ ಡಿ. ಮ್ಯಾರ್ ಕೈರ್ನನ್ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
ಪಾಕಿಸ್ತಾನದ ಉಗ್ರಗಾಮಿ ಪ್ರದೇಶಗಳು ಮತ್ತು ತಾಲಿಬಾನ್‌ನಂತಹ ಸಂಘಟನೆಗಳೊಂದಿಗೆ ಐಎಸ್ಐ ಶಾಮೀಲಾಗಿದೆ ಎಂದು ಹೇಳಿರುವ ಕಮಾಂಡರ್, ಅಫ್ಘಾನಿ ಅಧ್ಯಕ್ಷ ಹಮೀದ್ ಕರ್ಜಾಯ್ ಅವರ ಅಭಿಪ್ರಾಯವನ್ನು ಪ್ರತಿಧ್ವನಿಸಿದ್ದಾರೆ.
ಪಾಕ್ ಗಡಿಭಾಗಗಳಲ್ಲಿರುವ ಉಗ್ರಗಾಮಿಗಳಿಗೆ ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐಎಸ್ಐ ಎಲ್ಲ ರೀತಿಯ ಬೆಂಬಲ ನೀಡಿ ನ್ಯಾಟೋ ಪಡೆಗಳ ವಿರುದ್ಧದ ಹೋರಾಟಕ್ಕೆ ಪ್ರಚೋದನೆ ನೀಡುತ್ತಿದೆ ಎಂದು ಆರೋಪಿಸಿದ್ದಾರೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ