ವಿಶ್ವಾಸಮತ ಯಾಚನೆ ಮಾಡುವಂತೆ ಪರ್ವೇಜ್ ಮುಷರಫ್ ಅವರನ್ನು ಕೋರಿದ ನಿರ್ಣಯಕ್ಕೆ ಪಾಕಿಸ್ತಾನದ ಪಂಜಾಬ್ ವಿಧಾನಸಭೆ ಅನುಮೋದಿಸಿದೆ.
ಮುಷರಫ್ ವಿರುದ್ಧ ದುರ್ನಡತೆ, ಸಂವಿಧಾನ ಉಲ್ಲಂಘನೆ ಮತ್ತು ಹಣಕಾಸು ಅವ್ಯವಹಾರಗಳ ಆರೋಪದ ಬಗ್ಗೆ ಪಾಕಿಸ್ತಾನ ಸಮ್ಮಿಶ್ರ ಸರ್ಕಾರವು ವಾಗ್ಡಂಡನೆ ಪ್ರಕ್ರಿಯೆಗೆ ಚಾಲನೆ ನೀಡಿದೆ.
ಆದಾಗ್ಯೂ, ಮಂಗಳವಾರ ಸಂಜೆ 5ಗಂಟೆವರೆಗೆ ಸಮಾವೇಶವನ್ನು ಮುಂದೂಡಲಾಗಿದೆ.ವಾಗ್ದಂಡನೆ ಪ್ರಕ್ರಿಯೆಯು ಎರಡರಿಂದ ಮ‌ೂರುವಾರಗಳನ್ನು ತೆಗೆದುಕೊಳ್ಳಲಿದೆ. ಮುಷರಫ್ ವಿರುದ್ಧ ಆರೋಪಪಟ್ಟಿಗೆ ಅಂತಿಮರೂಪ ನೀಡಲು ಪಿಪಿಪಿ ಮತ್ತು ಪಿಎಂಎಲ್-ಎನ್ ಜಂಟಿ ಸಭೆ ನಡೆಯಲಿದ್ದು, ಮುಷರಫ್ ವಿರುದ್ಧ 100 ಆರೋಪಗಳನ್ನು ಪಟ್ಟಿಮಾಡುವರೆಂದು ನಿರೀಕ್ಷಿಸಲಾಗಿದೆ.
ಸಂಸತ್ತಿನಲ್ಲಿ ವಿಶ್ವಾಸಮತ ಯಾಚನೆ ಮಾಡುವಂತೆ ಅಥವಾ ಅಧಿಕಾರವನ್ನು ತ್ಯಜಿಸುವಂತೆ ಕೋರಿದ ನಿರ್ಣಯಕ್ಕೆ ಪಂಜಾಬ್ ಪ್ರಾಂತೀಯ ಅಸೆಂಬ್ಲಿ ಸರ್ವಾನುಮತದ ಬೆಂಬಲ ನೀಡಿದ ಬಳಿಕ ಮುಷರಫ್ ವಿರುದ್ಧ ವಾಗ್ದಂಡನೆಗೆ ಅನುಮೋದನೆ ದೊರೆತಂತಾಗಿದೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ