ಪಾಕಿಸ್ತಾನ ಅಧ್ಯಕ್ಷ ಪರ್ವೇಜ್ ಮುಷರಫ್ ಅವರಿಗೆ ವಾಗ್ದಂಡನೆ ವಿಧಿಸಲು ಆಡಳಿತಾರೂಢ ಮೈತ್ರಿಕೂಟಗಳು ಸಿದ್ಧತೆ ನಡೆಸುತ್ತಿರುವಂತೆ, ಬಿಕ್ಕಟ್ಟು ಶಮನಕ್ಕಾಗಿ ಸೌದಿದೊರೆ ರಾಜೀಸಂಧಾನಕ್ಕೆ ಮುಂದಾಗಿದ್ದಾರೆ ಎಂದು ವರದಿಗಳು ಹೇಳಿವೆ.
ಸೌದಿ ಅರೇಬಿಯಾದ ಗುಪ್ತಚರ ಮುಖ್ಯಸ್ಥರು ಇಸ್ಲಾಮಾಬಾದಿಗೆ ಬಂದಿಳಿದಿದ್ದು, ಅಧ್ಯಕ್ಷ ಮುಷರಫ್ ಹಾಗೂ ಮುಷರಫ್ ಅವರನ್ನು ಬೆಂಬಲಿಸುತ್ತಿರುವ ಪಿಎಂಎಲ್(ಕ್ಯೂ) ಪಕ್ಷದ ಮುಖ್ಯಸ್ಥ ಚೌಧುರಿ ಶುಜಾತ್ ಹುಸೇನ್ ಅವರನ್ನು ಭೇಟಿಮಾಡಿದ್ದಾರೆ.
ವಾಗ್ದಂಡನೆಯಿಂದ ಮುಷರಫ್ ಅವನ್ನು ಬಚಾವ್ ಮಾಡಲು ಮುಂದಾಗಿರುವ ದೊರೆ, ಪಾಕಿಸ್ತಾನದಿಂದ ಸುರಕ್ಷಿತವಾಗಿ ಹೊರತೆರಳಲು ಸಹಾಯ ನೀಡುವುದಾಗಿ ಹೇಳಿದ್ದಾರೆನ್ನಲಾಗಿದೆ. ಒಂಭತ್ತು ವರ್ಷಗಳ ಹಿಂದೆ ನವಾಜ್ ಶರೀಫ್ ಅವರು ರಾಷ್ಟ್ರದಿಂದ ಸುರಕ್ಷಿತರಾಗಿ ತೆರಳಲು ದೊರೆ ಸಹಾಯ ಮಾಡಿದ್ದು, ಈ ಸ್ನೇಹವನ್ನು ಬಳಸಿಕೊಂಡು ಮುಷರಫ್ ರಾಷ್ಟ್ರವನ್ನು ತೊರೆಯಲು ಅವಕಾಶ ಕೋರಿದ್ದಾರೆನ್ನಲಾಗಿದೆ.
ತನ್ನ ಸ್ಥಾನದಲ್ಲಿ ಮುಂದುವರಿದರೆ ಅಥವಾ ಸ್ಥಾನ ತ್ಯಜಿಸಿದರೂ, ತನ್ನ ವಿರುದ್ಧದ ಆರೋಪಗಳ ವಿರುದ್ಧ ಹೋರಾಡಲು ಮುಷರಫ್ ನಿರ್ಧರಿಸಿದ್ದಾರೆ ಎಂದು ಅವರ ಕೌಟುಂಬಿಕ ಮೂಲಗಳು ತಿಳಿಸಿವೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
