ಇರಾನ್‌ನಲ್ಲಿ ಸೆಟಲೈಟ ಅಭಿವೃದ್ಧಿ ಪಡಿಸುವ ತಂತ್ರಜ್ಞಾನವಿದ್ದು, ಶೀಘ್ರದಲ್ಲೇ ಬಾಹ್ಯಾಕಾಶಕ್ಕೆ ಸಂವಹನ ಉಪಗ್ರಹವನ್ನು ಹಾರಿಬಿಡಲಾಗುವುದು ಎಂದು ಅಧ್ಯಕ್ಷ ಮೊಹಮೌದ್ ಅಹ್ಮದಿನೆಜಾದ್ ತಿಳಿಸಿದ್ದಾರೆ.
ಉಪಗ್ರಹವನ್ನು ನಿರ್ಮಿಸಲು ಇರಾನ್ ತಂತ್ರಜ್ಞಾನವನ್ನು ಪಡೆದಿದ್ದು, ಬಾಹ್ಯಾಕಾಶಕ್ಕೆ ತನ್ನ ಮೊದಲ ದೂರ ಸಂವೇದಿ ದೂರಸಂಪರ್ಕ ಉಪಗ್ರಹವನ್ನು ಹಾರಿಬಿಡಲು ತನ್ನ ತಂತ್ರಜ್ಞಾನವನ್ನು ಉಪಯೋಗಿಸಲಿದೆ ಎಂದು ಅಧ್ಯಕ್ಷ ಅಹ್ಮದಿನೆಜಾದ್ ಕೇಂದ್ರ ಇರಾನ್ ಪ್ರಾಂತ್ಯ ಅರಕ್‌ನಲ್ಲಿ ಸೇರಿದ ಸಭೆಯನ್ನು ಉದ್ದೇಶಿಸಿ ಹೇಳಿದರು.
ತಮ್ಮ ವಿಜ್ಞಾನಿಗಳಿಂದ ಅಭಿವೃದ್ಧಿ ಪಡಿಸಲಾದ ಈ ಉಪಗ್ರಹ ಅತ್ಯಂತ ಸುಧಾರಿತ ತಂತ್ರಜ್ಞಾನವನ್ನು ಹೊಂದಿದೆ ಎಂದು ಅವರು ತಿಳಿಸಿದರು.
ಪಾಶ್ಚಿಮಾತ್ಯ ರಾಷ್ಟ್ರಗಳು ಹೇರಿದ ನಿಷೇಧಗಳು ಇರಾನ್‌ನ ರಾಕೆಟ್ ಮತ್ತು ಬಾಹ್ಯಕಾಶ ಅನ್ವಯಕಗಳಲ್ಲಿನ ಸುಧಾರಣೆಗೆ ಅಡಚಣೆಯಾಗಲೇ ಇಲ್ಲ ಎಂದು ಅವರು ಹೇಳಿದರು. ನೀವು ಇರಾನ್ ಮೇಲೆ ನಿಷೇಧ ಹೇರಿದಿರಿ ಆದರೆ ನಮ್ಮ ರಾಷ್ಟ್ರ ಈಗ ಬಾಹ್ಯಾಕಾಶಕ್ಕೆ ರಾಕೆಟ್ ಹಾರಿಬಿಡುವ ಸಾಮರ್ಥ್ಯವನ್ನು ಹೊಂದಿದೆ ಮತ್ತು ಶೀಘ್ರದಲ್ಲೇ ತಮ್ಮ ಸಾಮರ್ಥ್ಯವನ್ನು ಉಪಯೋಗಿಸಲಿದ್ದೇವೆ ಎಂದು ತಿಳಿಸಿದರು.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ