ಒರಿಸ್ಸಾ ಹಿಂಸಾಚಾರ: ನ್ಯೂಯಾರ್ಕ್‌ನಲ್ಲಿ ಪ್ರಾರ್ಥನಾ ಸಭೆ ನ್ಯೂಯಾರ್ಕ್, ಶನಿವಾರ, 30 ಆಗಸ್ಟ್ 2008( 14:32 IST )

ಒರಿಸ್ಸಾದಲ್ಲಿ ಕ್ರೈಸ್ತ ಪಂಗಡಗಳ ಮೇಲಿನ ದಾಳಿಯನ್ನು ಪ್ರತಿಭಟಿಸಿ ಭಾರತ ಅಮೆರಿಕ ಕ್ರೈಸ್ತ ಸಮುದಾಯ ಸಂಘಟನೆಯು ನ್ಯೂಯಾರ್ಕ್‌ನಲ್ಲಿ ವಿಶ್ವಸಂಸ್ಥೆ ಕೇಂದ್ರ ಕಚೇರಿಯ ಮುಂಭಾಗದಲ್ಲಿ ಪ್ರಾರ್ಥನಾ ಸಭೆಯನ್ನು ನಡೆಸಿತು. ಧಾರ್ಮಿಕ ತೀವ್ರವಾದಿಗಳಿಂದ ಕ್ರೈಸ್ತ ಸಮುದಾಯದ ಮೇಲಿನ ದಾಳಿ ಮತ್ತು ಕ್ರೈಸ್ತ ಸಂಸ್ಥೆಗಳ ಧ್ವಂಸವನ್ನು ವಿರೋಧಿಸಿ ಎಲ್ಲಾ ಕ್ರೈಸ್ತ ಚರ್ಚ್‌ಗಳನ್ನೊಳಗೊಂಡು ಪ್ರಾರ್ಥನಾ ಸಭೆಯನ್ನು ನಡೆಸಲಾಯಿತು. ಉತ್ತರ ಅಮೆರಿಕದ ಭಾರತ ಅಮೆರಿಕ ಕ್ರೈಸ್ತ ಸಂಸ್ಥೆ ಒಕ್ಕೂಟ(ಎಫ್ಐಎಸಿಒಎನ್ಎ),ಭಾರತೀಯ ಕ್ರೈಸ್ತ ಸಮುದಾಯ ಒಕ್ಕೂಟ ಮತ್ತು ಅಮೆರಿಕ ಗುಜರಾತ್ ಕ್ರೈಸ್ತ ಒಕ್ಕೂಟವು ನ್ಯೂಯಾರ್ಕಿನಲ್ಲಿ ಮೂರುಗಂಟೆಗಳ ಈ ಪ್ರಾರ್ಥನಾ ಸಭೆಯನ್ನು ಆಯೋಜಿಸಿತ್ತು. ಒರಿಸ್ಸಾದ ಸೂಕ್ಷ್ಮ ಜಿಲ್ಲೆಯಾಗಿರುವ ಕಂಧಮಾಲ್‌ನಲ್ಲಿ ಉಂಟಾದ ಕೋಮು ಹಿಂಸಾಚಾರದಲ್ಲಿ ಈವೆರೆಗೆ 12 ಮಂದಿ ಸಾವನ್ನಪ್ಪಿದ್ದಾರೆ.