ಅಮೆರಿಕದ ಕರಾವಳಿಯ ಹೈಟಿಯಲ್ಲಿ ಹರಿಕೇನ್ ತದ್ರೂಪಿ ಚಂಡಮಾರುತ 'ಗುಸ್ತಾವ್' ದಾಳಿಗೆ 77 ಮಂದಿ ಬಲಿಯಾಗಿದ್ದು, ಎಂಟು ಮಂದಿ ನಾಪತ್ತೆಯಾಗಿರುವುದಾಗಿ ಹವಾಮಾನ ಇಲಾಖೆಯ ಅಧಿಕಾರಿಗಳು ಮಂಗಳವಾರ ಅಧಿಕೃತವಾಗಿ ತಿಳಿಸಿದ್ದಾರೆ.
ಕಳೆದ ವಾರ ಅಮೆರಿಕ ಕರಾವಳಿ ಪ್ರದೇಶದತ್ತ ಭಾರೀ ಗಾಳಿ-ಮಳೆಯೊಂದಿಗೆ ಮುನ್ನುಗ್ಗಿದ್ದ ಚಂಡಮಾರುತ ಗುಸ್ತಾವ್, ದ್ವೀಪ ಪ್ರದೇಶವಾದ ಹಿಸ್‌‌ಪಾನಿಯೋಲಾ ಮತ್ತು ಹೈಟಿ ಪ್ರದೇಶದಲ್ಲಿ ಭಾರೀ ಹಾನಿಯನ್ನುಂಟು ಮಾಡಿದ್ದು, ಸೋಮವಾರದಂದು 36 ಮಂದಿ ಗಾಯಗೊಂಡಿರುವುದಾಗಿ ಅಧಿಕಾರಿಗಳು ವಿವರಿಸಿದ್ದಾರೆ.
ಕಳೆದ ವರ್ಷ ಬೀಸಿದ ಹರಿಕೇನ್ ಚಂಡಮಾರುತ ಉಂಟು ಮಾಡಿದಷ್ಟೇ ಭೀತಿಯನ್ನು ಈ ಬಾರಿಯ ಗುಸ್ತಾವ್ ಕೂಡ ಜನರನ್ನು ಅತಂತ್ರ ಸ್ಥಿತಿಗೆ ನೂಕಿರುವುದಾಗಿ ತಿಳಿಸಿದ್ದಾರೆ.
ಗುಸ್ತಾವ್ ದಾಳಿಯಿಂದಾಗಿ ಹೈಟಿ ಪ್ರದೇಶದ 15ಸಾವಿರ ನಿವಾಸಿಗಳಿಗೆ ತೊಂದರೆ ಉಂಟಾಗಿದ್ದು,ಸುಮಾರು 3ಸಾವಿರಕ್ಕೂ ಅಧಿಕ ಮನೆಗಳಿಗೆ ಹಾನಿಯಾಗಿರುವುದಾಗಿ ಅಧಿಕಾ ರಿಗಳು ಹೇಳಿದ್ದಾರೆ.
ಆ ನಿಟ್ಟಿನಲ್ಲಿ ಮುನ್ನೆಚ್ಚರಿಕೆಯ ಅಂಗವಾಗಿ 'ಕಿಲ್ಲರ್ ಚಂಡಮಾರುತ'ದ ಅಪಾಯದಿಂದ ಪಾರಾಗಲು ಲೂಸಿಯಾನದ ಸುಮಾರು ಎರಡು ಮಿಲಿಯನ್ ಜನರು ಭಾನುವಾರ ಸುರಕ್ಷಿತ ಸ್ಥಳಕ್ಕೆ ತೆರಳಿದ್ದರು.
ಈ ಪ್ರಮಾಣದಲ್ಲಿ ಜನರನ್ನು ಸುರಕ್ಷಿತ ಸ್ಥಳಾಂತರಿಸಿರುವುದು ಅಮೆರಿಕದ ಇತಿಹಾಸದಲ್ಲಿಯೇ ದಾಖಲೆ ಪ್ರಮಾಣದ್ದಾಗಿತ್ತು. ಅಲ್ಲದೇ ಎಲ್ಲಾ ತೈಲೋತ್ಪನ್ನ ಕಾರ್ಯವನ್ನು ಸ್ಥಗಿತಗೊಳಿಸಲಾಗಿತ್ತು.
ಭಾನುವಾರ ತಡರಾತ್ರಿಯಿಂದ ಆರಂಭಗೊಂಡಿರುವ ಬಿರುಗಾಳಿ ಮತ್ತು ಮಳೆಯಿಂದಾಗಿ ಪೂರ್ವಭಾಗದ ನ್ಯೂ ಒರ್ಲೆನ್ಸ್‌‌ನಲ್ಲಿ ವಿದ್ಯುತ್ ಅನ್ನು ಸ್ಥಗಿತಗೊಳಿಸಲಾಗಿತ್ತು.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ