ಮಹಿಳಾ ಹಕ್ಕುಗಳ ಮಾಜಿ ಕಾರ್ಯಕರ್ತೆ ಕ್ವೆಂಟಿನ್ ಬ್ರೈಸೆ (65ವ)ಅವರು ಶುಕ್ರವಾರದಂದು ಆಸ್ಟ್ರೇಲಿಯಾದ ಪ್ರಥಮ ಮಹಿಳಾ ಗವರ್ನರ್ ಆಗಿ ಅಧಿಕಾರ ಸ್ವೀಕರಿಸಿದ್ದಾರೆ.
ರಾಜ್ಯಪಾಲರಾಗಿ ಇಂದು ಅಧಿಕಾರ ಸ್ವೀಕರಿಸಿದ ಬ್ರೈಸೆ ಅವರು, ತಾವು ರಾಜ್ಯಪಾಲರಾಗಿಯೂ ಮಾನವ ಹಕ್ಕುಗಳ ತಮ್ಮ ಹೋರಾಟದ ಹಾದಿಯನ್ನು ಮುಂದುವರಿಸುವುದಾಗಿ ಈ ಸಂದರ್ಭದಲ್ಲಿ ತಿಳಿಸಿದ್ದಾರೆ.
ಬ್ರಿಟಿಷ್ ರಾಜಾಡಳಿತದಲ್ಲಿ ಉನ್ನತ ಹುದ್ದೆಯನ್ನು ಅಲಂಕರಿಸಿದ ಪ್ರಥಮ ಮಹಿಳೆ ಎಂಬ ಹೆಗ್ಗಳಿಕೆಗೆ ಭಾಜನರಾಗಿರುವ ಬ್ರೈಸೆ ಅವರು, ರಾಜಧಾನಿ ಕ್ಯಾನ್‌ಬೆರ್ರಾದಲ್ಲಿನ ಸಂಸತ್‌ನಲ್ಲಿ ನಡೆದ ಅದ್ದೂರಿ ಸಮಾರಂಭದಲ್ಲಿ ಅಧಿಕಾರ ಸ್ವೀಕರಿಸಿದರು.
ಈ ಸಮಾರಂಭದಲ್ಲಿ ಪ್ರಧಾನಿ ಕೇವಿನ್ ರೂಡ್ ಸೇರಿದಂತೆ ಹಲವಾರು ಪ್ರಮುಖ ರಾಜಕಾರಣಿಗಳು, ನ್ಯಾಯಾಧೀಶರು ಭಾಗವಹಿಸಿದ್ದರು.
ಬಲಗೈಯಲ್ಲಿ ಕ್ರೈಸ್ತ ಸಮುದಾಯದ ಪವಿತ್ರ ಗ್ರಂಥವಾದ ಬೈಬಲ್ ಅನ್ನು ಹಿಡಿದು ಬ್ರೈಸೆ ಅವರು ಆಸ್ಟ್ರೇಲಿಯಾದ 25ನೇ ರಾಜ್ಯಪಾಲರಾಗಿ ಪ್ರತಿಜ್ಞೆ ಸ್ವೀಕರಿಸಿದರು. ಈ ಸಂದರ್ಭದಲ್ಲಿ ಸಂಸತ್ ಹೊರಭಾಗದಲ್ಲಿ ಗೌರವ ಸೂಚಕವಾಗಿ 21 ಕುಶಾಲು ತೋಪು ಹಾರಿಸಲಾಯಿತು.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ