ನಲ್ವತ್ತೈದು ರಾಷ್ಟ್ರಗಳ ಸದಸ್ಯತ್ವದ ಅಣು ಪೂರೈಕೆ ಸರಬರಾಜು ಸಮೂಹ(ಎನ್ಎಸ್ಜಿ)ವು ಅಣು ವ್ಯಾಪಾರಕ್ಕೆ ಸಂಬಂಧಿಸಿದಂತೆ ಭಾರತಕ್ಕೆ ನೀಡಿರುವ ವಿಶೇಷ ವಿನಾಯಿತಿಯನ್ನು ರಶ್ಯಾ ಸ್ವಾಗತಿಸಿದೆ.
ಭಾರತಕ್ಕೆ ಶಾಂತಿಯುತ ಅಣು ಸಹಕಾರ ನೀಡುವ ಕುರಿತು ಎನ್ಎಸ್‌ಜಿಯ ಅವಿರೋಧ ಹೇಳಿಕೆಯನ್ನು ಪ್ರಸ್ತಾಪಿಸಿರುವ ರಶ್ಯಾದ ವಿದೇಶಾಂಗ ಸಚಿವಾಲಯ, ಇದಕ್ಕೆ ಉಪಕ್ರಮ ಕೈಗೊಂಡ ರಾಷ್ಟ್ರಗಳಲ್ಲಿ ರಶ್ಯಾವೂ ಸೇರಿದೆ ಎಂದು ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.
ಅಣ್ವಸ್ತ್ರ ಪ್ರಸರಣ ನಿಷೇಧ ಕುರಿತು ಭಾರತದ ಬದ್ಧತೆಯನ್ನು ಈ ವಿನಾಯಿತಿಯು ಪ್ರತಿಫಲಿಸುತ್ತದೆ ಮತ್ತು ಭಾರತಕ್ಕೆ ರಫ್ತು ಮಾಡುವ ಪರಮಾಣುವನ್ನು ಶಾಂತಿಯುತ ಉದ್ದೇಶಕ್ಕೆ ಅದು ಬಳಸಲಿದೆ ಎಂಬುದು ತಮಗೆ ಮನವರಿಕೆಯಾಗಿದೆ ಎಂದು ರಶ್ಯಾ ಹೇಳಿದೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ