ಪಾಕ್ ಮಸೀದಿಗೆ ಉಗ್ರರ ದಾಳಿ 25 ಜನರ ಹತ್ಯೆ ಇಸ್ಲಾಮಾಬಾದ್, ಶುಕ್ರವಾರ, 12 ಸೆಪ್ಟೆಂಬರ್ 2008( 08:36 IST )

ಪಾಕಿಸ್ತಾನದಲ್ಲಿನ ಮುಸ್ಲಿಮರ ಪ್ರಾರ್ಥನಾಮಂದಿರದ ಮೇಲೆ ಗ್ರೆನೇಡ್ ಮತ್ತು ಗುಂಡಿನ ದಾಳಿ ನಡೆಸಿದ ಉಗ್ರರು, 25ಜನರ ಹತ್ಯೆಗೈದು 50ಜನರನ್ನು ಗಾಯಗೊಳಿಸಿದ್ದಾರೆ.ಡಿರ್ ಜಿಲ್ಲೆಯ ಮಸ್ಕಾನಿ ಎಂಬಲ್ಲಿ ಮಸೀದಿಯಲ್ಲಿ ಸಂಜೆ ನಡೆದ ಕೊನೆಯ ಪ್ರಾರ್ಥನೆಯ ನಂತರ ಈ ಘಟನೆ ಸಂಭವಿಸಿತು ಎಂದು ಟಿವಿ ಚಾನೆಲ್‌ಗಳು ವರದಿ ಮಾಡಿವೆ. ಉಗ್ರರು ಮಸೀದಿಯೊಳಗೆ ಗ್ರೆನೇಡ್‌ಗಳನ್ನು ಎಸೆದರು ಮತ್ತು ಅದೇ ಸಮಯ ಪ್ರಾರ್ಥನಾರ್ಥಿಗಳ ಮೇಲೆ ಗುಂಡು ಹಾರಿಸಲು ತೊಡಗಿದರು ಎಂದು ಸ್ಥಳೀಯ ಜಿಯೊ ಟಿವಿ ವರದಿ ಮಾಡಿದೆ. ಇದುವರೆಗೆ ಯಾವುದೇ ಸಂಘಟನೆಯು ಈ ದಾಳಿಯ ಹೊಣೆ ಹೊತ್ತುಕೊಂಡಿಲ್ಲ. ರಾಷ್ಟ್ರಾಧ್ಯಕ್ಷ ಆಸಿಫ್ ಆಲಿ ಜರ್ದಾರಿ ಮತ್ತು ಪ್ರಧಾನಮಂತ್ರಿ ಯೂಸಫ್ ರಜಾ ಗಿಲಾನಿ ಘಟನೆಯನ್ನು ತೀವ್ರವಾಗಿ ಖಂಡಿಸಿದ್ದಾರೆ.