ಬಾಂಬ್‌ಸ್ಫೋಟ: ಬಾನ್ ಖಂಡನೆ ನ್ಯೂಯಾರ್ಕ್ , ಭಾನುವಾರ, 28 ಸೆಪ್ಟೆಂಬರ್ 2008( 12:48 IST )

ಭಾರತದ ನಗರಗಳಲ್ಲಿ ಕಳೆದ ಕೆಲ ವಾರಗಳ ಹಿಂದೆ ಹಾಗೂ ನಿನ್ನೆ ನಡೆದ ಬಾಂಬ್‌ಸ್ಫೋಟದಲ್ಲಿ ಹಲವಾರು ನಾಗರಿಕರು ಮೃತರಾದ ಘಟನೆಯನ್ನು ವಿಶ್ವಸಂಸ್ಥೆಯ ಮಹಾಪ್ರಧಾನ ಕಾರ್ಯದರ್ಶಿ ಬಾನ್-ಕಿ ಮೂನ್ ಖಂಡಿಸಿದ್ದಾರೆ. ನವದೆಹಲಿಯ ಮೆಹರೊಲಿಯಲ್ಲಿ ನಿನ್ನೆ ನಡೆದ ಬಾಂಬ್‌ ಸ್ಫೋಟದಲ್ಲಿ 13 ವರ್ಷದ ಬಾಲಕ ಸಾವನ್ನಪ್ಪಿದ್ದು, ಹಲವಾರು ಮಂದಿ ಗಾಯಗೊಂಡಿದ್ದಾರೆ ಬಾಂಬ್‌ಸ್ಫೋಟದಂತಹ ಘಟನೆಗಳನ್ನು ಖಂಡಿಸಿದ ಬಾನ್ ಕಿ ಮೂನ್, ಇಂತಹ ಕೃತ್ಯಗಳನ್ನು ಎಸಗುವವರ ವಿರುದ್ಧ ಕಠಿಣ ಕ್ರಮಗಳನ್ನು ಕೈಗೊಂಡು ಘಟನೆಯಲ್ಲಿ ನೊಂದವರಿಗೆ ನ್ಯಾಯ ಒದಗಿಸಬೇಕು ಎಂದು ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.