ಇತ್ತೀಚಿಗಿನ ಬಾಗ್ದಾದ್ ಬಾಂಬ್ ದಾಳಿಯ ರೂವಾರಿಯಾಗಿರುವ ಅಲ್ಖೈದಾ ಮುಖಂಡ ಇರಾಕ್‌ನಲ್ಲಿ ಅಮೆರಿಕ ಸೇನಾ ಪಡೆಗಳು ನಡೆಸಿದ ಗುಂಡಿನ ದಾಳಿಗೆ ಸಾವನ್ನಪ್ಪಿರುವುದಾಗಿ ಯುಎಸ್ ಸೇನಾಪಡೆ ಆರೋಪಿಸಿದೆ.
ಅಹ್ಮದ್ ಮಹ್ಮುದ್ ಜುಡು ಅಲ್ ಜುಬಾಯ್ದಿ ಅಬು ಅಸಾದ್ ಆಲಿಯಾಸ್ ಅಬು ರಾಮಿ ಎಂದೇ ಕರೆಯಲಾಗುವ ಇರಾಕಿನ ಅಲ್ಖೈದಾ ನಾಯಕ ಮೃತಪಟ್ಟಿರುವುದಾಗಿ ಅಮೆರಿಕ ನೇತೃತ್ವದ ಪಡೆಗಳು ತಿಳಿಸಿವೆ.
ಬಾಗ್ದಾದ್‌ನ ಅಧಾಮಿಯಾ ಪ್ರದೇಶದ ಕಟ್ಟಡವೊಂದರಲ್ಲಿ ಅಬು ರಾಮಿ ಅಡಗಿರುವುದಾಗಿ ಗುಪ್ತಚರ ವರದಿಗಳಿಂದ ತಿಳಿದು ಬಂದ ನಂತರ, ಅಮೆರಿಕ ಪಡೆಗಳು ಈ ಕಟ್ಟಡವನ್ನು ಸುತ್ತುವರಿದು ಶರಣಾಗುವಂತೆ ತಿಳಿಸಿದ್ದು,ಬಳಿಕ ನಡೆದ ದಾಳಿಯಲ್ಲಿ ಆತ ಸಾವನ್ನಪ್ಪಿರುವುದಾಗಿ ಸೇನೆ ಹೇಳಿದೆ.
ಈ ಸಂದರ್ಭದಲ್ಲಿ ನಡೆದ ದಾಳಿಯಲ್ಲಿ ಅಬು ರಾಮಿ ಮತ್ತು ಮಹಿಳೆಯೊಬ್ಬಳು ಸಾವಿಗೀಡಾಗಿದ್ದಾರೆ ಎಂದು ವರದಿಗಳು ಹೇಳಿವೆ.
ಸುಮಾರು ಎಂಟು ಮಂದಿಯ ಸಾವಿಗೆ ಕಾರಣವಾದ ಗುರುವಾರದ ಬಾಂಬ್ ದಾಳಿಗೂ ಅಬು ರಾಮಿಯೇ ಹೊಣೆ ಎಂದು ನಂಬಲಾಗಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ