ಪಾಕಿಸ್ತಾನದ ವಾಯುವ್ಯ ಗಡಿ ಪ್ರಾಂತ್ಯದಲ್ಲಿರುವ ಅಶಾಂತ ಸ್ವಾತ್ ಕಣಿವೆಯಲ್ಲಿರುವ ತಾಲಿಬಾನ್ ಉಗ್ರರ ನೆಲೆಯ ಮೇಲೆ ಪಾಕಿಸ್ತಾನ ಸೇನೆಯುಯುದ್ಧ ವಿಮಾನ ಮತ್ತು ಹೆಲಿಕಾಫ್ಟರ್ ಮೂಲಕ ದಾಳಿ ನಡೆಸಿದ ಪರಿಣಾಮವಾಗಿ ಸುಮಾರು 20 ಉಗ್ರರು ಸಾವನ್ನಪ್ಪಿದ್ದಾರೆ.
ತಾಲಿಬಾನ್‌ನ ಮತ್ತಾದಲ್ಲಿರುವ ಉಗ್ರರ ನೆಲೆಯನ್ನು ಧ್ವಂಸಗೊಳಿಸುವ ಗುರಿಯೊಂದಿಗೆ ಈ ಆಕ್ರಮಣವನ್ನು ನಡೆಸಲಾಗಿತ್ತು ಎಂದು ಸೇನಾ ಅಧಿಕಾರಿಗಳು ತಿಳಿಸಿದ್ದಾರೆ.
ತಾಲಿಬಾನ್ ಉಗ್ರರ ಮುಖ್ಯ ನೆಲೆಯೆಂದು ಕಂಡುಕೊಳ್ಳಲಾದ ಪಿಯೋಚಾರ್, ಶಾವರ್ ಮತ್ತು ಲಂಡಾಯ್ ಸರ್ ಪ್ರದೇಶದ ಮೇಲೆ ಯುದ್ಧ ವಿಮಾನವು ಬಾಂಬ್ ದಾಳಿ ನಡೆಸಿತ್ತು ಎಂದು ಸ್ಥಳೀಯರು ತಿಳಿಸಿದ್ದಾರೆ.
ಯುದ್ಧ ವಿಮಾನದಿಂದ ಎಸೆಯಲ್ಪಟ್ಟ ಬಾಂಬ್‌ಗಳಿಂದಾಗಿ ಅನೇಕ ಮನೆಗಳು ಧ್ವಂಸವಾಗುವುದರೊಂದಿಗೆ, ಅನೇಕ ಸಾವುನೋವು ಸಂಭವಿಸಿದೆ ಎಂದು ತಾಲಿಬಾನ್ ವಕ್ತಾರರು ತಿಳಿಸಿದ್ದಾರೆ.
ಸ್ವಾತ್‌ನ ಮತ್ತಾ ಪ್ರದೇಶದಲ್ಲಿ ಈಗಾಗಲೇ ಅನೇಕರು ತಮ್ಮ ಮನೆಗಳನ್ನು ತೊರೆದು ಹೋಗಿದ್ದು, ಕೆಲವೇ ಕುಟುಂಬಗಳು ವಾಸಿಸಿವೆ. ಇವರನ್ನು ಉಗ್ರಗಾಮಿಗಳ ಬೆಂಬಲಿಗರೆಂದು ಪಾಕ್ ಸೇನೆಯು ಪರಿಗಣಿಸಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ