ಪಾಕಿಸ್ತಾನದ ಮಾಜಿ ಪ್ರಧಾನಿ ನವಾಜ್ ಶರೀಫ್ ಹಾಗೂ ಅವರ ಸಹೋದರ ಶಾಬಾಜ್ ಪಾಕ್ ತಾಲಿಬಾನ್‌ನ ವರಿಷ್ಠ ಬೈತುಲ್ಲಾ ಮೆಹ್ಸೂದ್‌ನ ಹಿಟ್‌ಲಿಸ್ಟ್‌ನಲ್ಲಿದ್ದು, ಮೆಹ್ಸೂದ್ ಬೇನಜೀರ್ ಭುಟ್ಟೋ ಹತ್ಯೆಯ ಪ್ರಮುಖ ರೂವಾರಿಯಾಗಿರುವುದಾಗಿ ಶನಿವಾರ ಮಾಧ್ಯಮದ ವರದಿಯೊಂದು ಆರೋಪಿಸಿದೆ.
ಇದೀಗ ತಾಲಿಬಾನ್ ವಿರೋಧಪಕ್ಷದ ನಾಯಕ, ಪಿಎಂಎಲ್-ಎನ್ ವರಿಷ್ಠ ನವಾಜ್ ಶರೀಫ್ ಹಾಗೂ ಪಂಜಾಬ್ ಪ್ರಾಂತ್ಯದ ಮುಖ್ಯಮಂತ್ರಿ ಶಾಬಾಜ್ ಅವರನ್ನು ಮುಖ್ಯಗರಿಯಾಗಿಸಿಕೊಂಡಿದೆ ಎಂದು ವರಿದಿ ತಿಳಿಸಿದೆ.
ಈಗಾಗಲೇ ಶರೀಫ್ ಸಹೋದರ ಶಾಬಾಜ್ ಅವರ ಎಲ್ಲಾ ಚಲನವಲನಗಳನ್ನು ಹದ್ದುಗಣ್ಣಿನಲ್ಲಿ ವೀಕ್ಷಿಸುವಂತೆ ತಾಲಿಬಾನ್ ಉಗ್ರಗಾಮಿ ಸಂಘಟನೆ ತನ್ನ ಆಪ್ತ ಸಹಾಯಕನೊಬ್ಬನನ್ನು ಲಾಹೋರ್ ನಗರಕ್ಕೆ ಕಳುಹಿಸಿರುವುದಾಗಿ ಹೇಳಿದೆ.
ಮೆಹ್ಸೂದ್ ತನ್ನ ಆಪ್ತನಾದ ಮೌಲ್ವಿ ಉಬೈದುಲ್ಲಾ ಎಂಬಾತನ್ನು ಕಳೆದ ಜುಲೈ ತಿಂಗಳಿನಲ್ಲಿಯೇ ಲಾಹೋರ್ ನಗರಕ್ಕೆ ಕಳುಹಿಸಿತ್ತು ಎಂದು ಗುಪ್ತಚರ ಇಲಾಖೆ ಮಾಹಿತಿ ನೀಡಿತ್ತು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ