ಉತ್ತರ ಇರಾಕಿನಲ್ಲಿ ಅಡಗಿಕೊಂಡಿರುವ ಕುರ್ದಿಶ್ ಬಂಡುಕೋರರನ್ನು ಸದೆಬಡಿಯಲು ಟರ್ಕಿ ದೇಶದ ಯುದ್ಧ ವಿಮಾನಗಳು ಭಾನುವಾರ ತೀವ್ರ ದಾಳಿ ನಡೆಸಿದವು.
ಇರಾಕಿನ ಉತ್ತರ ಭಾಗದಲ್ಲಿರುವ ಉಗ್ರರ ಅಡಗುದಾಣಗಳ ಮೇಲೆ ನಮ್ಮ ಯುದ್ಧ ವಿಮಾನಗಳು ಯಶಸ್ವಿಯಾಗಿ ದಾಳಿ ನಡೆಸಿದವು. ಅನಂತರ ಆರ್ಟಿಲರಿ ಪಡೆಯು ಈ ಜಾಗಗಳನ್ನು ಸಂಪೂರ್ಣವಾಗಿ ಧ್ವಂಸ ಮಾಡಿದವು ಎಂದು ಟರ್ಕಿ ಮಿಲಿಟರಿ ಹೇಳಿಕೊಂಡಿದೆ.
ಕಳೆದ ವಾರ ಕುರ್ದಿಶ್ ಬಂಡುಕೋರ ಉಗ್ರಗಾಮಿಗಳು ಗಡಿಭಾಗದಲ್ಲಿ 17 ಟರ್ಕಿ ಸೈನಿಕರನ್ನು ಕೊಂದ ನಂತರ ಟರ್ಕಿ ದೇಶ ಆಗಿನಿಂದ ಆರು ಬಾರಿ ಇರಾಕ್ ಗಡಿಯೊಳಗೆ ನುಗ್ಗಿ ಉಗ್ರಗಾಮಿಗಳ ಮೇಲೆ ಆಕ್ರಮಣ ಎಸಗಿದೆ.
ಕುರ್ದಿಸ್ತಾನ್ ವರ್ಕರ್ಸ್ ಪಾರ್ಟಿಗೆ (ಪಿಕೆಕೆ) ಸೇರಿದ ಈ ಉಗ್ರಗಾಮಿಗಳು ಟರ್ಕಿಯಲ್ಲಿ ಕುರ್ದಿಸ್ತಾನ ಪ್ರದೇಶದ ಸ್ವಾಯತ್ತತೆಗಾಗಿ ಹೋರಾಡುತ್ತಿದೆ. ಅಮೆರಿಕ ಮತ್ತು ಯುರೋಪಿಯನ್ ರಾಷ್ಟ್ರಗಳ ಒಕ್ಕೂಟವು ಈ ಸಂಘಟನೆಯನ್ನು ಭಯೋತ್ಪಾದಕ ಗುಂಪು ಎಂದು ಹಣೆಪಟ್ಟಿ ಕಟ್ಟಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ