ಸೋಮಾಲಿಯಾ ಕಡಲ್ಗಳ್ಳರು ಅಪರಹರಿಸಿದ್ದ ದಕ್ಷಿಣ ಕೊರಿಯಾದ ಹಡಗಿನ ಸಹಿತ ಒತ್ತೆಯಾಳಾಗಿರಿಸಿಕೊಂಡಿದ್ದ 22 ನಾವಿಕರನ್ನು ಬಿಡಿಸಿಕೊಳ್ಳಲು ಹಣ ನೀಡಲಾಗಿರುವುದನ್ನು ಶಿಪ್ಪಿಂಗ್ ಕಂಪನಿ ಒಪ್ಪಿಕೊಂಡಿದೆ.
ಅಪಹರಣಕ್ಕೊಳಗಾದವರಲ್ಲಿ ದಕ್ಷಿಣ ಕೊರಿಯದ 8, ಮ್ಯಾನ್ಮಾರ್‌ನ 14 ಪ್ರಜೆಗಳಿದ್ದರು. ಸೋಮಾಲಿಯಾ ಸಮುದ್ರದಿಂದ ಸೆಪ್ಟೆಂಬರ್ 10ರಂದು ಅಪಹರಿಸಲಾಗಿದ್ದ "ಬ್ರೈಟ್ ರೂಬಿ" ಕಾರ್ಗೋ ಶಿಪ್ ಸಹಿತ 22 ಮಂದಿ ನಾವಿಕರನ್ನು ಹಲವು ಸುತ್ತಿನ ಮಾತುಕತೆ ಬಳಿಕ ಗುರವಾರ ಬಿಡುಗಡೆ ಮಾಡಲಾಗಿತ್ತು.
ಮಧ್ಯವರ್ತಿಗಳ ಮೂಲಕ ಕಡಲ್ಗಳ್ಳರ ಬೇಡಿಕೆಯನ್ನು ಪೂರೈಸಲಾಗಿದೆ. ಅಪಹರಣಕಾರರಿಗೆ ನೀಡಲಾಗಿರುವ ಮೊತ್ತ ಮತ್ತು ದಲ್ಲಾಳಿ ಹೆಸರು ಬಹಿರಂಗಪಡಿಸಲಾಗದು ಎಂದು ಹಡಗು ಕಂಪನಿಯ ಮಾಲಕರು, ಅಧಿಕಾರಿಗಳು ತಿಳಿಸಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ