ಚೀನಾದೊಂದಿಗಿನ ಪರಮಾಣು ಒಪ್ಪಂದಕ್ಕೆ ಅಲ್ಲಿನ ನಾಯಕರ ಬದ್ಧತೆಯನ್ನು ಸ್ಪಷ್ಟಪಡಿಸಿಕೊಳ್ಳಲು ಪಾಕಿಸ್ತಾನ ಪ್ರಧಾನಿ ಆಸಿಫ್ ಆಲಿ ಜರ್ದಾರಿ ವಿಫಲರಾಗಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಪ್ರಧಾನಿ ಜರ್ದಾರಿಯವರ ಎರಡು ದಿನಗಳ ಬೀಜಿಂಗ್‌ನ ಅಧಿಕೃತ ಭೇಟಿಯಲ್ಲಿ ಸೈನೋ-ಪಾಕಿಸ್ತಾನ್ ಪರಮಾಣು ಒಪ್ಪಂದಕ್ಕೆ ಸಹಿ ಪಡೆಯುವ ಉದ್ದೇಶ ಸಫಲವಾಗಿಲ್ಲ ಎನ್ನಲಾಗಿದೆ. ಆದರೂ, ಭಾರತ-ಅಮೆರಿಕಾ ಅಣು ಒಪ್ಪಂದದ ಹಿನ್ನಲೆಯಲ್ಲಿ ಜರ್ದಾರಿಯವರ ಮನವಿಯನ್ನು ಪುರಸ್ಕರಿಸುವ ಬಗ್ಗೆ ಬೀಜಿಂಗ್ ಪರಿಸ್ಥಿತಿಯನ್ನು ಗಂಭೀರವಾಗಿ ಪರಿಶೀಲಿಸುತ್ತಿದೆ ಎಂಬ ಸೂಚನೆ ಲಭಿಸಿದೆ. ಅದೇ ಹೊತ್ತಿಗೆ ಪಾಕಿಸ್ತಾನದಲ್ಲಿನ ರಾಜಕೀಯ ಅತಂತ್ರತೆಯ ಬಗ್ಗೆ ಕಳವಳಗೊಂಡಿರುವ ಚೀನಾ ನಾಯಕರು ಈ ಪ್ರಸ್ತಾವನೆ ಬಗ್ಗೆ ಒಲವು ಹೊಂದಿಲ್ಲ ಎಂಬ ಮಾತುಗಳೂ ಕೇಳಿ ಬಂದಿವೆ.
ಚೀನಾ ಅಧ್ಯಕ್ಷ ಹೂ ಜಿಂತಾವೋ ಪಾಕಿಸ್ತಾನದ ಬಗ್ಗೆ ಸದಾಭಿಪ್ರಾಯ ಹೊಂದಿರುವುದರಿಂದ ಮತ್ತು ಚೀನಾ-ಪಾಕ್ ಸ್ನೇಹಕ್ಕೆ ನಾಲ್ಕು ದಶಕಗಳ ಇತಿಹಾಸ ಇರುವ ಕಾರಣದಿಂದಾಗಿ ಅಣು ಒಪ್ಪಂದದ ಬಗ್ಗೆ ಈಗಲೇ ಏನೂ ಹೇಳಲಾಗದು ಎಂಬುದು ರಾಜಕೀಯ ಪಂಡಿತರ ಲೆಕ್ಕಾಚಾರ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ